UNEC-in Quba Tədris, İdman və İstirahət Kompleksində pedaqoji heyət üçün “Qış məktəbi”ndə təlim keçmək məqsədilə Azərbaycanda olan Fransanın Lyon Universitetinin müəllimi Jennifer Veillon Quba Soyqırımı Memorial Kompleksini və ərazidəki kütləvi məzarlığı ziyarət edib.

UNEC-in “Xarici dillər” kafedrasının müəllimləri amerikalı professora 2007-ci ilin aprelində aşkarlanan Quba kütləvi məzarlığı haqqında ətraflı məlumat veriblər. Bildirliib ki, kütləvi məzarlıqdan əksəriyyəti uşaq, qadın və qocalara məxsus olan 400-dən çox insanın sümükləri tapılıb. Qonağa bildirilib ki, təkcə ötən əsrdə Azərbaycanın əhalisi üç dəfə erməni soyqırımına məruz qalıb.

Soyqırım qurbanlarının xatirəsini ehtiramla yad edən J.Veillon məzarlıqda gördüklərindən dəhşətə gəldiyini bildirib. O, Quba soyqırımını insanlığa qarşı cinayət adlandırıb. Xatirə kitabına ürək sözlərini yazan J.Veillon burada gördüklərini çalışdığı universitetdə həmkarları və tələbələri ilə paylaşacağını bildirib.

UNEC-in müəllimləri qonağa Azərbaycanın müxtəlif bölgələrində, eləcə də Qubada həyata keçirilən soyqırımlar haqqında ingilis dilində nəşrlər təqdim ediblər.