EHEA Tvinninq Layihəsinin ekspertləri Biznes və menecment fakültəsində olub

06 APREL 2017 | VIEWS:
2177

Aprelin 6-da (EHEA) Tvinninq layihəsi çərçivəsində Təhsil Nazirliyinin Akkreditasiya və Nostrifikasiya idarəsinin nümayəndələri və beynəlxalq ekspertlər UNEC-in Biznes və menecment fakültəsində olublar.

Fakültə dekanı, dosent Mirağa Əhmədov ekspertlərə Elektron Universitet Modeli və yeni yaradılan katiblik sistemi barədə məlumat verib. Bildirib ki, yeni sistemə əsasən, inzibati idarəetmə akademik idarəetmədən ayrılacaq. Dekanların cari və inzibati işlərinin görülməsi səlahiyyətlərinin böyük bir hissəsini katiblik həyata keçirəcək.

Kafedra müdirləri ekspertlərə yeni təhsil strandartları, tədris metodları, elmi-tədqiqat işlərindən danışıblar. Fakültənin maddi-texniki və elmi bazası və tələbə təşkilatlarının fəaliyyəti ilə tanış olan ekspertlər IV kursların imtahan prosesini də müşahidə ediblər. Layihə ekspertləri fakültənin nəzdində fəaliyyət göstərən ixtisas kafedralarının, tələbə təşkilatlarının fəaliyyətini, eləcə də katiblik sistemini və Elektron Universitet Modelinin iş prinsiplərini yüksək qiymətləndiriblər.

2178 1