Oktyabrın 12-də Polşanın Katoviç İqtisad Universitetinin nümayəndələri Azərbaycan Dövlət İqtisad Universitetinin (UNEC) qonağı olub.
Görüşdə UNEC-lə Katoviç İqtisad Universiteti arasında birgə layihələrin qurulması haqqında müzakirələr aparılıb. Erasmus+ proqramları, tələbə mübadiləsi, ikili diplomların işlənməsi, gələcək əməkdaşlıq istiqamətləri və digər məsələlər müzakirə edilib.
Katoviç İqtisad Universitetinin Beynəlxalq əlaqələr və marketinq üzrə prorektoru, professor Slavomir Smyczekin UNEC-in beynəlxalq əlaqələrini yüksək qiymətləndirərək, əməkdaşlıqdan məmnun olduqlarını bildirib.
Qonaqlar daha sonra UNEC-lə tanış olub, SABAH qruplarının və Beynəlxalq İqtisadiyyat Məktəbinin dərslərində iştirak edib. Tələbələrə Katoviç İqtisad Universiteti haqqında məlumat verilib.