Tələbələrin nəzərinə – karyera gününün vaxtı dəyişdirilib
Əziz tələbələr!
Aprelin 30-da UNEC Karyera Mərkəzinin Azərikard MMC ilə birlikdə keçirəcəyi “Karyera günü”nün vaxtı dəyişdirilərək, mayın 7-nə keçirilib.
Tədbirə informasiya texnologiyaları və proqramlaşdırma, xidmət sahələri, iqtisadiyyat və insan resursları ixtisaslarında təhsil alan tələbələr dəvət olunurlar. Tələbələrin seçilməsi 3 mərhələdə aparılacaq:
- İlkin müsahibə;
- İlkin təcrübə (1 həftə);
- Tam təcrübə (1 ay).
*
Uğurlu nəticə göstərən tələbələrin işlə təmin edilməsi nəzərdə tutulur. Həmçinin tam təcrübə dövründə tələbələr məvacib alacaqlar.
Tədbirdə iştirak etmək istəyən tələbələr aprelin 26-dək CV-lərini karyera@unec.edu.az elektron ünvanına göndərə bilər. Elektron poçtun “mövzu” bölməsində “Azərikard – karyera günü” yazmağınız xahiş olunur.
Karyera günü saat 10:00-da başlayacaq və 13:00-dək davam edəcək. Tədbir UNEC-in əsas tədris binasının III mərtəbəsində, 305 saylı otaqda keçiriləcək.