Azərbaycan Dövlət
İqtİsad Unİversİtetİ

1990-cı ildə Kiyev Dövlət Universitetinin əyani aspiranturasına daxil olmuş və 1993-cü ildə “Bazar iqtisadiyyatına keçid şəraitində region iqtisadiyyatının struktur dəyişiklikləri” («Структурные преобразования экономики региона при переходе к рынку») mövzusunda namizədlik dissertasiyasını müdafiə etmişdir.  1994-cü ildə “Profi – AD” LTD (Kiyev) şirkətinə rəhbərlik edib.

1995-ci ildə Kiyev Dövlət Universitetində doktoranturaya daxil olmuş və 1998-ci ildə “Keçid iqtisadiyyatının dünya təsərrüfatı sisteminə inteqrasiyası” («Интеграция переходной экономики в систему мирового хозяйства») mövzusunda doktorluq dissertasiyasını müdafiə etmişdir.

1995-1999-cu illərdə T.Şevçenko adına Kiyev Dövlət Universitetində pedaqoji fəaliyyətlə məşğul olmuş, Makroiqtisadiyyat, İqtisadi Siyasət, Beynəlxalq İqtisadiyyat, Keçid İqtisadiyyatının ümumi nəzəriyyəsi fənlərini tədris etmişdir.

1998-1999-cu illərdə “ИБ Австрия Секюритз (Украина)» İnvestisiya Bankında “Postsovet keçid iqtisadiyyatlarının tranformasiyasının təhlili” şöbəsinin müdiri vəzifəsində çalışmışdır.

1999-cu ildən Azərbaycan Respublikasının Prezidenti yanında Dövlət İdarəçilik Akademiyasında professor vəzifəsində çalışmış, Makroiqtisadiyyat, İqtisadiyyatın dövlət tənzimlənməsi, Azərbaycanın iqtisadi siyasəti fənlərini tədris etmişdir. 3 dərs vəsaitinin, 3 monoqrafiyanın, 3 tədris proqramının, 60-dan artıq elmi məqalənin müəllifidir.

Almaniyada “Sosial bazar iqtisadiyyatı”, Yaponiyada “Ümumdünya Ticarət Təşkilatına üzvlük”, ABŞ-da “Qanun layihələrinin hazırlanmasında icraedici və qanunverici orqanların əməkdaşlığı”, Hollandiyada “İnkişaf etməkdə olan ölkələrin ticarət danışıqçıları və inzibatçıları” və s. proqramlarda iştirak etmiş, UNCTAD-ın eksperti kimi fəaliyyət göstərmişdir.

100-dən artıq beynəlxalq və yerli konfranslarda, o cümlədən Beynəlxalq Peterburq İqtisadi Forumu (İyun, 2013); İkinci Yüksək Səviyyəli İqtisadi Siyasət Forumu, Dünya Bankı (5-6.03.2012, Bakı); İƏT-ə üzv dövlətlərin beyin mərkəzlərinin 3-cü Forumu (2-3.03.2012, Bakı); “Heydər Əliyev və Azərbaycanın iqtisadi inkişaf strategiyası” (28.04. 2010, Bakı); “Qlobal maliyyə böhranı və dövlət idarəetmə sistemində antiböhran siyasət: dünya təcrübəsi və Azərbaycan modeli” (04.06.2010, Bakı); “Diversification through innovation: prospects for growth” (5-7.05.2010, Berlin); “Keçid iqtisadiyyatlı ölkələrdə BMT-nin Minilliyin İnkişaf məqsədlərinə nail olunmasında rəqabət siyasətinin rolu” (27-28.09.2005, Bakı, UNCTAD); “Distribution services” (14-16.11.2005, UNCTAD, Cenevrə); Trade and development implications of financial services (20-21.09.2007, UNCTAD, Cenevrə); “Qloballaşma ilə bağlı məsələlərin həlli üçün Azərbaycanda potensialın gücləndirilməsi” (28-29.08.2003, UNESCAP, Bakı) və s. iştirak və çıxış etmişdir.

2002-ci ildən Azərbaycan Respublikasının İqtisadi İnkişaf Nazirliyində (indiki İqtisadiyyat Nazirliyi) çalışmışdır. 2002-2007-ci illərdə həmin nazirliyin “Makroiqtisadi təhlil və proqnozlaşdırma”, 2007-2009-cu illərdə “Xarici ticarət siyasəti və Ümumdünya Ticarət Təşkilatı”, 2009-2014-cü illərdə isə “İqtisadi siyasət, təhlil və proqnozlaşdırma” şöbələrinə rəhbərlik etmişdir. İqtisadi İnkişaf Nazirliyinin Kollegiyasının, eləcə də Azərbaycanın Ümumdünya Ticarət Təşkilatına üzvlüklə bağlı danışıqçılar Qrupunun üzvü, Xidmətlər üzrə İşçi Qrupun rəhbəri olmuşdur.

Dövlət qulluğunun müşaviridir.

2009-cu ildən etibarən “Bakıelektrikşəbəkə” ASC-nin Müşahidə Şurasının Sədri, Dövlət büdcəsinin xərcləri üzrə Komissiyanın üzvü, Əmanətlərin sığortalanması Fondu Himayədarlar Şurasının üzvü, Dövlər Statistika Komitəsinin Metodologiya Şurasının üzvü, 2011-2014-cü illərdə Azərbaycan Respublikasının Prezidenti yanında Ali Attestasiya Komissiyasında İqtisadiyyat (İqtisadiyyat və Hüquq) üzrə Ekspert Şurasının Sədr müavini olmuşdur. UNEC-də fəaliyyət göstərən Dissertasiya Şurasının sədridir.

Azərbaycan Respublikası Prezidentinin 5 mart 2014-cü il tarixli Sərəncamı ilə Azərbaycan Dövlət İqtisad Universitetinin rektoru təyin edilib.

Azərbaycan Respublikası Prezidentinin 24 sentyabr 2020-ci il tarixli Sərəncamı ilə Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə “Şöhrət” ordeni ilə təltif edilib.

Azərbaycan Respublikasının Prezidentinin 4 yanvar 2021-ci il tarixli Sərəncamı ilə Qarabağ Dirçəliş Fondunun Müşahidə Şurasının üzvü təyin olunub.

Azərbaycan Respublikasınin İqtisadiyyat Nazirliyi yanında İctimai Şuranın Sədridir.

İngilis, ukrayna və rus dillərini bilir.

Ailəlidir. İki övladı var.

Rektor, professor Ə.Muradov UNEC NEWS-da

UNEC-in yeni hədəfi (“Azərbaycan müəllimi” qəzeti, 13.02.2018)
“Təməl” verilişində müzakirə: Analoq iqtisadiyyatdan rəqəmsal epoxaya keçid (25.12.2017)
Rektor Maksimtsev: “UNEC-in islahat təcrübəsi uğur modelidir” (05.12.2017)
UNEC rektoru “ASAN Radio”da (16.11.2017)
700 bal toplayan abituriyentlərin seçimi – UNEC (25.09.2017)
“Yeni əsrin müqaviləsi” dayanıqlı iqtisadi inkişafın təminatıdır
(“Azərbaycan” qəzeti, 20.09.2017)
AZİZ SANCAR: “Azərbaycanın ali təhsil sistemində ümidverici prosesləri müşahidə etdim” (“Azərbaycan” qəzeti, 03.07.2017)
UNEC-in rektoru: “Aziz Sancarın verəcəyi mesajların elm ictimaiyyətimizə faydalı olacağına inanıram” – MÜSAHİBƏ (apa.az – 12.06.2017)
UNEC Avropa təhsil məkanına inteqrasiyanı genişləndirir (30.05.2017)
İdman iqtisadiyyatına İslamiada töhfəsi (“Azərbaycan” qəzeti, 23.05.2017)
UNEC-lə Ankara və Qazi universitetləri əməkdaşlığın yeni mərhələsində (20.03.2017)
UNEC-lə Süleyman Dəmirəl Universiteti arasında gələcək əməkdaşlıq imkanları müzakirə edilib (06.03.2017)
“Sevinirəm ki, rektor kimi tələbələr üçün qorxulu deyiləm” (“525-ci qəzet” – 23.01.2017)
“UNEC: dünya səviyyəli universitet” (12.01.2017)
Yeni sənaye inqilabı: Rəqabətqabiliyyətliyin yüksəldilməsində universitetlərin rolu (09.12.2016)
UNEC rektoru Nobel mükafatçısı Məhəmməd Yunusun sədrlik etdiyi konfransda iştirak edib (10.11.2016)
Azərbaycan universitet təhsilində islahatlar və gözləntilər
(“Azərbaycan” qəzeti, 20.10.2016)
Rektor Ə.Muradov BVF və DB-nin dəvətilə onların illik toplantısında iştirak edib (10.10.2016)
UNEC rektoru “ASAN Radio”nun qonağı olub (15.09.2016)
UNEC rektoru Dünya Təhsil Liderləri Forumunda (12.07.2016)
UNEC rektorunun “The Business Year” jurnalına müsahibəsi (31.05.2016)
UNEC rektoru: “Türk Dünyası İqtisadçılar Birliyi beynəlxalq elmi əməkdaşlığın yeni müstəvisidir” (26.05.2016)
UNEC rektoru I Beynəlxalq Humanitar Elmlər Forumunda elmi məruzə ilə çıxış etmişdir (24.05.2016)
UNEC-də “Novruz mühazirləri” keçirilib (02.03.2016)
Rektor Radio UNEC-də ictimaiyyət qarşısına çıxdı (24.01.2016)
Prof. Ədalət Muradov: Azərbaycanda qeyri-neft sektorunun inkişafını stimullaşdırmaq üçün daha liberal şərait yaratmaq lazımdır (13.01.2016)
UNEC rektoru: “İqtisad universitetində yeni ixtisaslar açılacaq” (13.01.2016)
85 illiyini qeyd edən UNEC: İnnovativ təhsil sistemi yaratmaq əzmindəyik (28.12.2015)
“World Media Azerbaijan” UNEC rektorunun müsahibəsini yayımlayıb (20.11.2015)
UNEC rektoru: “Yüksək zirvələri fəth edəcəyik” – MÜSAHİBƏ (13.11.2015)
UNEC rektoru “ TƏHSİL TV”nin qonağı olub (06.11.2015)
Адалят МУРАДОВ: «Нам нужны специалисты с инновационным типом мышления» («Азербайджанскиe известия» qəzetinə müsahibə) (22.10.2015)
“Universitetin 4 binasının Bakının müxtəlif yerlərində olması idarəetmə baxımından problemlər yaradır” – UNEC rektoru (trend.az saytına müsahibə) (09.10.2015)
«İstəyirik tələbələr görsün ki, rüşvətsiz və tapşırıqsız oxumaq mümkündür» – UNEC rektoru (Fins.az saytına müsahibə) (08.10.2015)
UNEC-in rektoru, professor Ədalət Muradovun “EcoVision” jurnalına müsahibəsi (07.10.2015)
UNEC-in rektoru, professor Ədalət Muradovun “World Economics” jurnalına müsahibəsi (01.10.2015)