“UNEC I Tələbə İdman Oyunları”na qeydiyyat başlayır

09 OKTYABR 2015 | OXUNUB:
942

Oktyabrın 9-da Azərbaycan Dövlət İqtisad Universitetində (UNEC) “UNEC I Tələbə İdman Oyunları”na hazırlıqla bağlı ilk görüş keçirilib.

Tələbələrlə iş üzrə prorektor Səadət Qəndilova dekanlara Azərbaycan universitetləri tarixində ilk dəfə UNEC-də keçiriləcək oyunlar barədə ətraflı məlumat verib. Bildirib ki, oyunlar 12 fakültə arasında 11 idman növü üzrə  keçiriləcək.

“İqtisadçı Gənclər Akademiyası”nın sədri Hidayət Kərimov oyunların icra planı haqda məlumat verib. Bildirib ki, oktyabrın 12-dən idmançıların qeydiyyatı başlayacaq. İlkin mərhələdə qeydiyyatı 50 könüllü tələbə həyata keçirəcək. Oktyabrın sonunadək idmançıların siyahısı hazır olacaq və təlim-məşq toplantılarına start veriləcək.

Görüşdə təkliflər dinlənilib, görüləcək işlər müzakirə edilib.

943 2