Azərbaycan Dövlət
İqtİsad Unİversİtetİ

UNEC Könüllüləri Təşkilatı haqqında

“UNEC Könüllüləri” Təşkilatı UNEC Elmi Şurasının 31.05.2020-ci il tarixli qərarı ilə yaradılmış və fəaliyyətə başlamışdır.

Təşkilatın yaradılmasında əsas məqsəd şəxsi inkişafa meyilli, istedadlı tələbələrlə aparılan işlərin tənzimlənməsinə, bu sahədə səmərəli fəaliyyət mexanizmi yaradılmasına köməklik göstərməkdən, tələbələrdə ilkin əmək vərdişlərinin formalaşması ilə bağlı tədbirlərin sistemli şəkildə həyata keçirilməsini təmin etməkdən ibarətdir.

UNEC-də könüllü fəaliyyət göstərmək üçün aşağıdakı linkdən qeydiyyatdan keçə bilərsiniz:

https://forms.gle/KR7P95Ww1DRmXoCJ7

*

Təşkilatın strukturu:

1. Təşkilatın sədri
2. Sədrin 1-ci müavini
3. Sədrin müavini
4. Sədrin köməkçiləri
5. Sədrin müşavirləri
6. Təşkilatın korpuslar üzrə koordinatorları
7. Təşkilatın sektor rəhbərləri
8. Təşkilatın şöbə müdirləri

Təşkilatın əsas vəzifələri:

1. Tələbələrin şəxsi inkişafının təmin edilməsi üçün sistemli iş aparmaq və mövcud əmək potensialları nəzərə alınmaqla onların gələcək peşə istiqamətlərini müəyyənləşdirmək.
2. Tələbələrdə könüllü fəaliyyətə maraq yaratmaq, onların əmək vərdişlərini inkişaf etdirmək.
3. Tələbələrdə ilkin əmək vərdişlərinin formalaşdırılması istiqamətində sistemli iş aparmaq.
4. Tələbələrin UNEC-in müvafiq struktur bölmələrində (kitabxana, şöbələr, mərkəzlər, departamentlər və s.) təşkilatlanmasını təmin etmək.

*
UNEC Könüllüləri Təşkilatına UNEC tələbələri üzv olmaqla Könüllü fəaliyyətin iştirakçısı ola bilərlər.

Təşkilatın layihə rəhbəri və sədri Maliyyə və mühasibat fakültəsinin tələbəsi
Orxan Vəliyev olub. 

Hazırda UNEC Könüllüləri TəşkilatınınCəmiyyətinin sədri İlham Əmrahovdur.