AZƏRBAYCAN DÖVLƏT
İQTİSAD UNİVERSİTETİ

Kafedra haqqında

“İstehlak mallarının ekspertizası” kafedrası  2015-ci ilin sentyabrında iki kafedranın – “Qeyri-ərzaq malları əmtəəşünaslığı və ekspertizası” və “Ərzaq malları əmtəəşünaslığı və ekspertizası” kafedralarının birləşməsi nəticəsində yaranmışdır. Hazırda kafedraya prof. Əli Həsənov rəhbərlik edir.

“Ərzaq malları əmtəəşünaslığı və ekspertizası”. 1967-ci ildə “Əmtəəşünaslıq” kafedrasından ayrılmışdır. Bu sahə üzrə mütəxəssislərin hazırlanmasına hələ 30-cu illərdən başlanılmışdır.

Kafedraya müxtəlif vaxtlarda dos. Nazim Mustafayev (1967-1973), dos. Aliya Karaşarlı (1973-1983), dos. Əhməd-Cabir Əhmədov (1983-1984; 1989-2001), prof. Aliya Karaşarlı (1984-1989), dos. S.H.İsfən­diya­rov (2001-2005), dos. Ə-C. Əhmədov (2005-2015) rəhbərlik etmişlər.

Uzun müddət “Ərzaq mallarının əmtəəşünaslığı” kimi fəaliyyətdə olan kafedranın adı daha sonralar dəyişdirilərək, “Ərzaq mallarının əmtəəşünaslığı və ekspertizası” kimi öz missiyasını yeni şəraitdə davam etdirmişdir.

Kafedranın əməkdaşları Moskva, Kiyev, Odessa, Mogilyov, Xarkov, Tbilisi, Alma-Ata şəhərlərində keçirilən konfranslarda elmi məruzələrlə çıxış etmişlər. Kafedra əməkdaşlarından 7 nəfəri müəlliflik şəhadətnaməsi almış, 4 texnoloji təlimat hazırlamış və 4 yeni məhsulun istehsalını istehsalata tətbiq etmişlər.

Hazırda kafedrada iki ixtisas üzrə mütəxəssis hazırlanır:

• Ərzaq malları əmtəəşünaslığı;
• İstehlak mallarının keyfiyyət ekspertizası.

*

Kafedranın nəzdində bir sıra laboratoriyalar fəaliyyət göstərir:

1.Bitki mənşəli ərzaq malları əmtəəşünaslığı laboratoriyası;
2.Heyvan mənşəli ərzaq malları əmtəəşünaslığı laboratoriyası;
3.Ərzaq malları əmtəəşünaslığı muzey-kabineti;
4.Magistrlər üçün laboratoriya-kabinet.

Kafedra “Azərsun” şirkətinin iki müəssisəsində (“Bakı yağ və qida sənaye ATSC” və “Qafqaz Konserv Zavodu”) istehsal edilən ərzaq məhsullarının keyfiyyətinin və ekoloji təmizliyinin ekspertizası üzrə dövlət büdcəli elmi-tədqiqat işi aparır. Eyni zamanda tələbələr “SUN TEA AZERBAYCAN” ASC-də əmtə­əşünaslıq-texnoloji təcrübə keçirlər. Kafedra istehsalatla daim əlaqə saxlayır. İsteh­salatla əlaqədar olaraq elmi-tədqiqat işləri aparılır.

Kafedrada “Azərbaycanda əhaliyə təklif edilən ərzaq mal­larının istehlak dəyərinin yüksəldilməsi yolları” probleminə həsr olunmuş “Azərbaycanda istehsal olunan meyvə-tərəvəz konservlərinin, ye­yinti yağ­larının, dən-un məhsullarının və balıq məhsullarının istehlak xas­sələrinin öyrənilməsi” mövzusunda elmi-tədqiqat işləri yerinə yetiril­miş­dir.

Tədris olunan əsas fənlər:

1. Ərzaq malları əmtəəşünaslığının nəzəri əsasları.
2. Taxıl –un və qənnadı mallarının əmtəəşünaslığı və ekspertizası.
3. Meyvə-tərəvəz və tamlı mallarının əmtəəşünaslığı və ekspertizası.
4. Yeyinti yağları süd və süd məhsullarının əmtəəşünaslığı və ekspertizası.
5. Ət və balıq  məhsullarının əmtəəşünaslığı və ekspertizası.
6. Yeyinti məhsullarının soyuduculuq texnologiyası.
7. Yeyinti məhsullarının ümumi texnologiyası.
8. Ərzaq xammalının  əmtəəşünaslığı və anatomiyası.
9. Ərzaq mallarının kriminal ekspertizası.
10. İstehlak (ərzaq) mallarının eyniləşdirilməsi və saxtalaşdırılması.
11. İstehlak (ərzaq) mallarının kodlaşdırılması.
12. Ərzaq malları əmtəəşünaslığı və ekspertizası  – ümumi kurs (Digər ixtisaslarda tədris olunur).
13. Əmtəəşünaslığın əsasları –  Kommersiya fakultəsində tədris olunur.
14. Kommersiya əmtəəşünaslığı  –  Kommersiya fakultəsində tədris olunur.

“Qeyri-ərzaq malları əmtəəşünaslığı və ekspertizası”. Kafedra “Əmtə­əşü­naslıq” kafedrasının bazasında, onun iki yerə ayrılması ilə 1967-ci ildən fəaliyyət göstərir. 1967-1976-cı illərdə kafedraya görkəmli Azər­baycan əmtəəşünas-alimi, dosent Soltan Salmanov rəhbərlik etmiş­dir. Kafedraya 1976-1985-ci illərdə t.e.n., dosent Cavanşir Vəliməmmədov, 1985-1992-ci illərdə prof. Əli Pənah oğlu Həsənov, 1992-1994-cü illərdə dos. Nurəddin Həsənov, 1994-2008-ci illərdə tex.e.n., dos. C.M.Vəliməmmədov, 2008-2014-cü illərdə  tex.e.n., dos. S.İ.Abdullayeva rəhbərlik etmişlər.

2009-cu ildə Nazirlər Kabinetinin təsdiq etdiyi yeni ixtisas istiqamətinə əsasən kafedra “İstehlak mallarının ekspertizası” kafedrası ilə birləşərək “Qeyri-ərzaq malları əmtə­əşünaslığı və ekspertizası” adlandırılmışdır.

Kafedrada 2 ixtisas üzrə: “Qeyri-ərzaq malları əmtəəşünaslığı” və “İstehlak mallarının keyfiyyət ekspertizası” ixtisasları üzrə bakalavr və magistr hazırlığı həyata keçirilir.

“Qeyri-ərzaq malları əmtəəşünaslığı” ixtisası üzrə bakalavr pil­ləsində 11 fənn, “İstehlak mallarının keyfiyyət ekspertizası” ixtisası üzrə isə 12 fənn tədris olunur. Hər iki ixtisas üzrə magistr hazırlanır. Ma­gis­tratura pilləsində kafedrada 6 fənn tədris edilir.

*

Kafedranın nəzdində fəaliyyət göstərən tədris laboratoriyalarında mövcud olan cihaz, avadanlıqlar, həmçinin əyani vəsaitlər tədris planında nəzərdə tutulmuş mühazirə və laboratoriya məşğələlərinin qənaətbəxş səviyyədə keçiril­məsinə imkan verir.

Tədrisin keyfiyyətini yüksəltmək məqsədilə kafedranın əmək­daşları tərəfindən onlarla dərslik, dərs vəsaitləri, proqram, metodik göstərişlər hazırlanmış və nəşr edil­miş­dir.

Kafedranın professor-müəllim heyəti ixtisas kurslarının tələbələrini elmi işlərə cəlb edirlər. Hər il 18-20 tələbə elmi işlərin aparılmasında iştirak edir və öz məruzələrinin tezislərini konfransların materiallarında çap etdirirlər. Bu tələbələrin əksəriyyəti öz təhsillərini sonradan magistraturada davam etdirir.

Kafedra aşağıdakı təşkilat və müəssisələrlə sıx əməkdaşlıq edir:

1. İqtisadi İnkişaf Nazirliyi;
2. “Azərsun Holdinq” Səhmdar Cəmiyyəti;
3. Azərbaycan Respublikası Tələbə Qəbulu üzrə Dövlət Ko­mis­si­yas­ı;
4. “Ramana” Açıq Tipli Səhmdar Cəmiyyəti;
5. “Alyans” Açıq Tipli Səhmdar Cəmiyyəti.

Bu təşkilatlarda tələbələr istehsalat təcrübəsi keçir, buraxılış işləri üzrə materiallar toplayır, nəzəri biliklərini təcrübə ilə birləşdirirlər. On­ların aparıcı mütəxəssisləri istehsalat tərəfindən bizim təcrübəyə göndər­diyimiz tələbələrə rəhbərliyi həyata keçirirlər.

Kafedra Müstəqil Dövlətlər Birliyinin bir sıra ali məktəbləri ilə sıx əlaqələr yaratmışdır. Onlardan Q.V.Plexanov adına Moskva İqtisadiyyat Aka­demiyası, Moskva Kooperativ Univer­siteti, Moskva Toxuculuq Universiteti, Tbilisi və Kutaisi Dövlət Universitetlərini göstərmək olar.

*

Professor-müəllim heyəti:

1. tex.e.n., prof. Həsənov Əli Pənah (kafedra müdiri) (0,5)
2. tex.e.d., prof. Səidov Rasim Əzim
3. tex.e.n., dos. Əhmədov Əhməd-Cabir İsmayıl (UNEC-in fəxri prof.)
4. b.e.n., dos. Mirzəyev Gəray Surxay
5. tex.e.n., dos. Həsənov Nurəddin Nəsir
6. tex.e.n., dos. Hüseynov Azər Ədalət
7. k.e.n., dos. Məmmədov Oktay Əkbər
8. k.e.n., dos. Nağıyev Zərdabi Murad
9. tex.e.n., dos. Nəsirova Zemfira Hətəmxan
10. tex.f.d., dos. Alverdiyeva Nazilə Fərman
11. bio.f.d., dos. Quliyeva Fəridə Rahib
12. bio.f.d., dos. Quliyeva Lalə Vəkil
13. t.ü.f.d., dos. Cəfərova Yeganə Nurəddin
14. i.f.d., dos. Kərimova Maya Cavanşir
15. i.e.n., dos. Məmmədova Nigar Oktay
16. tex.e.n., dos. İsfəndiyarov Sabir Hüseynalı (0.5)
17. tex.e.n., dos. Osmanov Tofiq Ramazan (Əmtəəşünaslıq fak. dekanı) (0.5)
18. tex.e.n., dos. Səmədov Elçin Ələsgər (Əmtəəşünaslıq fak. d/müavini) (0.5)
19. tex.f.d., b/m. Abbasova Sevinc Məhəddin
20. tex.f.d. Məmmədov Azər İsmayıl
21. b/m. Əliyeva Zənurə Həsrət
22. b/m. Musayeva Vüsalə Hacı
23. b/m. Cəfərova Afət Məstan 
24. b/m. Quliyeva Sənubər Abdulla
25. b/m. Cabbarova Qənirə Zərgər 
26. b/m. Allahverdiyeva İlhamə Fəxrəddin
27. b/m. Həsənova Aynurə Fəxrəddin  
28. b/m. Neymətova Ülkər Vaqif
29. b/m. Həsənova Gülnaz Gülağa
30. b/m. Əhmədova Sevda Ömər (0.75)
31. b/m. Manafova Şəfa Şahin (0,75)
32. b/m. Hüseynova Aynurə Yadigar (0,75)
33. b/müəl. Məhərrəmova Samirə Sabir (0,75)
34. müəl. Əkbərova Fəridə Akif (0,75)
35. müəl. Mustafayeva Kəmalə Əsgər (0,75)
36. t.f.d. Hüseynov Mövlud Ərəstun (0.5)