Kafedra müdiri: i.e.n., dosent Hacıyev Əli Vəli oğlu

Ünvan: Bakı, H.Əliyev küçəsi, 135 (II korpus)
Telefon: +(994) 12 564-67-58
E-mail: ali.haciyev@unec.edu.az

 

3471 4

Kafedra haqqında

“Müəssisənin iqtisadiyyatı kafedrası «Sənayenin iqti­sa­diyyatı» kafedrası adı ilə hələ 30-cu illərdən fəaliyyətə başlamışdır. 1941-ci il 12 may tarixli «Azərbaycan Xalq Təsər­rüfatı İnstitutunun yenidən qurulması» ilə əlaqədar qərara əsasən Sənayenin iqtisadiyyatı adlı fakültənin də yaradılması nəzərdə tutulmuşdur. Lakin müharibənin başlanması ilə bu plan yarımçıq qaldı. 1945-ci ilin yanvarından AXTİ yenidən müstəqilliyini bərpa etdikdən sonra Sənayenin iqtisadiyyatı fakültəsi və təbii ki, eyni adlı kafedra öz fəaliyyətini davam etdirə bilmişdir. 40-50-ci illərdə mütə­madi olaraq Sənayenin iqtisadiyyatı ixtisası üzrə tələbə qəbulu, hazırlığı və buraxılışı davam etmişdir. Lakin 1959-cu ildə AXTİ ləğv edilməklə və ADU-nun tərkibinə qatılmaqla Sənayenin iqtisadiyyatı fakültəsi də İqtisadiyyat fakültəsinin içərisində daxil olmaqla müstəqil fəaliyyətini dayandırmışdır. Yalnız 1966-cı ildə Azərbaycan Xalq Tə­sər­rüfatı İnstitutu yenidən müstəqil ali məktəbə çevrildikdən sonra Sə­nayenin iqtisadiyyatı ixtisası yeni inkişaf dövrünə qədəm qoy­muş­dur. Həmin vaxtdan indiyədək kafedra bizim ali məktəbin aparıcı elmi-tədris bölmələrindən biri kimi fəaliyyət göstərir.

“Müəssisənin iqtisadiyyatı” (Sənayenin iqtisadiyyatı) kafed­ra­sına 1966-cı ildən başla­yaraq prof. Nemət Qənizadə (1966-1973), prof. Mahmud Tağıyev (1973-1978; 1978-1983), dos. Elmira Əliyeva (1983-1988), dos. Əli Hacıyev (1988-1989), prof. Telman Hüseynov (1990-1992), prof. Rauf Cəbiyev (1992-1997), prof. Telman Hüseynov (1992-2014) rəhbərlik etmişlər. Ha­zır­da kafedraya dosent Əli Hacıyev başçılıq edir.

İxtisaslar:

  • “Sənayenin iqtisadiyyatı”
  • “İstehsalın və xidmət sahələrinin iqtisadiyyatı və idarə edilməsi”
  • “Sənayenin iqtisadiyyatı və idarə edilməsi”

*

Tədris olunan əsas fənlər:

  • “Sənayenin iqtisadiyyatı”
  • “Firmanin iqtisadiyyatı”
  • “Neft sənayesinin iqtisadiyyatı və idarə edilməsi”
  • “İstehsalın və xidmət sahələrinin iqtisadiyyatı və idarə edilməsi”
  • “Maşinqayırmanın iqtisadiyyatı” və s.