Kafedra haqqında

İqtisad Universitetinin fəaliyyət göstərdiyi bütün dövrlərdə “Siyasi iqtisad” adı ilə fəaliyyətdə olan kafedra 1993-cü ildən “İqtisadi nəzəriyyə” adlandırılmışdır. Bu dəyişiklik sosialist sisteminin dağılması ilə bağlı olmuşdur. Bununla yanaşı, bir çox iqtisadçı alimlər “Siyasi iqtisad” termininin əslində sosializmlə əlaqəsi olmasını göstərir və indinin özündə də bir çox xarici ölkələrdə “Siyasi iqtisad” adının qalmasına istinad edirlər.

1975-1982-ci illərdə kafedraya prof. Qara Sadıqov, 1987-1990-cı illərdə “Birləşmiş siyasi iqtisad” kafedrasına Ərəstun Axundov rəhbərlik etmişlər. 1990-cı ildə kafedra yenidən iki yerə ayrılmış, Uçot-iqtisad, Maliyyə fakültələri üzrə “Siyasi iqtisad” kafedrasına (sonradan “İqtisadi nəzəriyyə-2” adlandırılmışdır) i.e.d.,prof. Məmmədhəsən Meybullayev başçılıq etmişdir. 2014-cü ildən kafedraya i.e.d.prof., Ümüdvar Əliyev rəhbərlik edir. 2015-ci ilin oktyabrından kafedra “Nəzəri və praktiki iqtisadiyyat” adlanır.

Kafedra İqtisadi nəzəriyyə, İqtisadi təlimlər tarixi, İqtisadi islahatlara aid qanunlar, İqtisadi nəzəriyyələr və məktəblər, Müasir dünyanın iqtisadi problemləri, İqtisadi nəzəriyyənin aktual problemləri, Makroiqtisadiyyat, İqtisadi fikir və iqtisadi siyasət, bazara keçidin milli problemləri, İqtisadi inkişafın modelləri, İqtisad elminin müasir problemləri, iqtisad elminin tarixi və metodologiyası, İslam iqtisadiyyatı kursları üzrə proqramlarını hazırlayıb nəşr etdirmişdir.

Kafedranın əməkdaşları bir çox monoqrafiya, dərslik və dərs vəsaitləri, elmi məqalələr nəşr etdirmişdir. Prof. Ü.Q.Əliyevin “Keçid dövrünün milli iqtisadi problemləri” (2008), “İqtisad elminin aktual problemləri” (2013), prof. F.F.Mustafayevin “Mikroiqtisadiyyat” (2014), prof. Q.N.Manafovun “Sahibkarlıq fəaliyyətinin nəzəri və praktiki əsasları”, prof. T.Q.Babayevin “Aqrar bölmədə özəl qrumların təşkili və iqtisadi əsasları” adlı əsərləri və s. nəşr olunmuşdur.

Xarici ölkə alimlərinin ən yeni elmi əsərləri və dərsliklərinin Azərbaycan  dilinə tərcüməsinə də xüsusi diqqət verilir. Pol Samuelson və V.Nordhauzun “Ekonomiks” dərsliyini refaratı tərcümə edilərək nəşr olunmuşdur. Son illər başqa əcnəbi dillərdən dərsliklərin tərcüməsi uğurla davam etdirilmişdir.

Kafedrada tədris prosesi ilə yanaşı, elmi-tədqiqat işləri sahəsində də ciddi iş aparılır. Bir çox doktorluq və namizədlik dissertasiya işlərinin müzakirəsi keçirilmiş və müdafiə olunması tövsiyyə edilmişdir. İki Türkiyyə vətəndaşı namizədlik işlərini başa çatdırmışdır. “Yeni iqtisadi sistemə keçidin qanunauyğunluqları və problemləri”, “Milli iqtisadiyyatın formamalaşmasının makroiqtisadi aspektləri” və “İqtisadi inkişaf startegiyasının milli xüsusiyyətləri” mövzuları ətrafında elmi tədqiqat işləri aparılır, elmi nəticələr çoxsaylı əsərlərdə öz əksini tapır.

Tədris olunan fənlər:

İqtisadiyyata giriş
Mikroiqtisadiyyat
Makroiqtisadiyyat
Azərbaycan iqtisadiyyatı
İqtisadi fikir tarixi
İqtisadiyyat

“Nəzəri və praktiki iqtisadiyyat” kafedrası səmərəli tədris prosesini aparmaqla yanaşı, elmi-tədqiqat işlərini də yerinə yetirməklə özünəməxsus elmi istiqamət formalaşdırılmışdır. 2016-cı ilinin elmi-tədqiqat işləri daha müasirliyi ilə səciyyələnir. Milli iqtisadiyyatın inkişaf konsepsiyası və bazara keçid şəraitində onun formalaşması problemlərini tədqiq edilmişdir. Burada milli iqtisadi inkişafın məqsəd və vəzifələri, milli iqtisadi inkişafın mikro və makroproblemləri, bazara keçid şəraitində milli iqtisadi inkişafın xarakterik xüsusiyyətləri, milli bazarın formalaşmasının mənbəyi və amilləri, milli iqtisadi inkişaf modelinin qərarlaşma prosesi tədqiq olunmuşdur.  Bundan başqa, “Dayanaqlı iqtisadi inkişafın təmin olunmasının nəzəri-metodoloji əsasları” problemi öyrənilmişdir. Burada iqtisadi inkişaf konsepsiyası, dayanaqlı iqtisadi inkişafın təmin olunmasının ilkin şərtləri və mənbələri, iqtisadi inkişaf və iqtisadi artım strategiyası, milli iqtisadiyyatın inkişafında islahatlaşma prosesinin yeri, dayanaqlı iqtisadi inkişafın təmin olunmasının sosial-iqtisadi nəticələri təhlil olunmuşdur. Yaxın prespektivdə kafedrada yeni iqtisadi problemlərin araşdırılmasına başlanacaq. 2017-2019-cu illərə proqnozlaşdırılan plan-elmi tədqiqat işləri Azərbaycan iqtisadi gerçəkliyini əks etdirən daha müasir iqtisadi problemlərin tədqiqini əks etdirir. Beləki, 2017-ci ildən başlayaraq “Milli iqtisadiyyatın və iqtisadiyyatın əsas sektorlarının tədqiqinin elmi nəzəri əsasları” problemlərinin araşdırılması qarşıya məqsəd kimi qoyulmuşdur.

*

Elmi-tədqiqat işlərinin həyata keçirilməsi kafedrada həm yeni kadr potensialının yaranmasına və keyfiyyətinin yüksəlməsinə səbəb olmuş, həm İqtisada giriş, Mikroiqtisadiyyat, Makroiqtisadiyyat fənnləri üzrə mövcud olan mövzuların tədrisində istifadə olunmuş, həm də əldə olunan nəticələr, təklif və tövsiyələr kimi təhlili məruzələr şəklində müxtəlif iqtisadi orqan və təşkilatlara təqdim olunmuşdur. Nəticə etibarı ilə “Nəzəri və praktiki iqtisadiyyat” kafedrasında “İqtisadi nəzəriyyə” ixtisası üzrə makroiqtisadiyyat istiqamətində elmi məktəb formalaşmışdır. Kafedranın bir sıra əməkdaşları həm Universitetdə, həm də Universitetdən kənarda məsul vəzifələrdə çalışırlar.

Prof. Q.N.Manafov Magistratura mərkəzinin direktoru, prof.E.R.İbrahimov Milli məclisin Aqrar siyasət daimi komitəsinin sədri, prof. F.F.Mustafayev Təhsil Nazirliyinin idarə rəisi, dos. H.M.Vəliev və dos. R.M.Əkbərov Distant, qiyabi və əlavə təhsil mərkəzinin direktor müavinləri vəzifəsində çalışırlar.

*

Professor-müəllim heyəti:

  1. i.e.d.prof. Əliyev Ümüdvar Qənbər (kaf.müdiri)
  2. i.e.d., prof. Manafov Qabil Nadir (0,5) [Magist.Mərkəzinin direkt.]
  3. i.e.d., prof. Qafarov Şamil Saleh
  4. i.e.d., prof. Mustafayev Famil Front (0,5) [Təhsil Nazirinin müşaviri.]
  5. i.e.d., prof. Nəbiyev Rasim Əmir
  6. i.e.d., prof. Babayev Telman Qurban
  7. i.e.n., dos. Fərəcova Sevil Əliqulu
  8. i.e.n., dos. Əllazov Qəzənfər Sehvəddin
  9. i.e.n., dos. Əliyeva Alina Məcid
  10. i.e.n., dos. Məmmədov Akif Bəylər
  11. i.e.n., dos. Əmirova Fəridə Şamil
  12. i.e.n., dos. Sadıqov Namiq Ənvər
  13. i.e.n., dos. Xəlilov Vaqif Mehdi (0,5) – UNEC-in Fəxri professoru
  14. i.e.n., dos. Vəliyev Həbib Məmməd (0,5) [DQƏTM-in direktor müavini]
  15. i.e.n., dos. Əkbərov Rövşən Məmməd (0,5) [DQƏTM-in direktor müavini]
  16. i.e.n., dos. Əliyeva Leyla Zakir
  17. i.e.n., dos. Rzayeva Şəhla Məhəmməd
  18. i.f.d., dos. Hüseynova Şəhla Akif
  19. b/m. Əhmədov Sadıq Əhməd (0,5) – UNEC-in fəxri dosenti
  20. i.f.d., b/m. Pənahova Günay Məhiş
  21. i.f.d., b/m. Abbasova Tamella Cəlal
  22. i.e.n., dos. Eyvazova Nailə Kamal
  23. i.e.n., dos. Nəzərəliyev Sadiq Binyamin
  24. i.f.d., asst. Hüseynova Vəfa Arif

*

Məsləhətçi

i.e.d., prof. İbrahimov Eldar Rza (0,5) [MM-in Aqrar SK sədri]
i.e.n. Süleymanov Hamlet İbrahim – dosent-məsl., UNEC-in Fəxri prof.
i.e.n. Əsgərov Əjdər Xanlar – – dosent-məsl., UNEC-in Fəxri prof.