Azərbaycan aparıcı bank və maliyyə portallarından olan Banco.az ölkə universitetlərində təhsil alan tələbələr üçün təqaüd proqramı elan edir.

Gənclərin, tələbələrin iqtisadiyyat, bank və maliyyə sahəsində biliklərinin arıtırlmasına, maarifləndirmə tədbirlərinə böyük önəm və dəstək verən ölkənin aparıcı maliyyə portalı olan Banco.az – “Banco.az Scholarship” tələbə təqaüd proqramını elan edir!

Təqaüd proqramının məqsədi istedadlı tələbələri həvəsləndirmək, eləcə də, dövlət və qeyri-dövlət sektorları üçün güclü insan resurslarını təmin etmək, onları tanıtmaq və mükafatlandırmaqdır. Layihədə yalnız Azərbaycan ali təhsil müəssisələrinin əyani şöbələrində, iqtisad yönümlü ixtisaslar (iqtisadiyyat, maliyyə, biznesin idarə edilməsi və digər ixtisaslar) üzrə təhsil alan bakalavr pilləsinin II və III kurs tələbələri iştirak edə bilərlər.

Layihədə iştirak etmək istəyən tələbələr aşağıda qeyd olunan üç mövzudan birinin ətrafında Azərbaycan dilində araşdırma xarakterli esse yazmalı və öz CV anketini qeyd olunan ünvana göndərməlidir. İkinci mərhələdə isə iştirakçılar müsahibədən keçməlidirlər.

Mözvular:

• Gələcəyin bankları. Bankçılığın gələcək perspektivləri və inkişaf imkanları.
• Gələcəyin peşələri – Robotlar və texnologiya dünya iqtisadiyyatını və həyatımızı necə dəyişəcək?
• Blochain texnologiyası və bu texnologiyanın dövlət və özəl qurumlarda tətbiqi imkanları

Esse və CV-ləri writeus@banco.az ünvanına göndərə bilərsiniz.

Son müraciət tarixi: 31 mart 2018-ci il

Qeyd edək ki, layihə çərçivəsində keçirilən müsabiqədə qalib gələn 1 tələbəyə 1 il müddətində hər ay 100 AZN məbləğində təqaüd veriləcək.