UDİD proqramına qeydiyyat başladı – Tələbələrin nəzərinə!

12 İYUL 2018 | OXUNUB:
34

UNEC 2018/2019-cu tədris ilindən etibarən Universitetdaxili İkili Diplom Proqramına (UDİD) start verib.

UDİD proqramı UNEC tələbələrinə 4 il ərzində 2 ixtisas üzrə 2 diplom əldə etmək şansı yaradır. Proqrama qoşulan tələbələr iki ixtisasa yiyələnməklə gələcəkdə əmək bazarında layiqli yer tutmaq və onun tələblərinə çevik uyğunlaşmaq imkanı əldə edəcəklər.

UDİD proqramına qeydiyyat 16 iyuldan 15 avqustadək aparılacaq. Proqramda yalnız 1-ci kursu bitirən, təhsil aldıqları müddətdə tədris olunan fənlərdən müvəffəqiyyət göstəricisi  (ÜOMG-si) 71-100 arası olan və UNEC-də “İqtisadiyyat və İdarəetmə” ixtisas qrupuna aid ixitisaslarda (Maliyyə, Mühasibat uçotu və audit, İqtisadiyyat, Menecment, Marketinq, Kommersiya, Statistika, Biznesin idarə edilməsi, Dünya iqtisadiyyatı) təhsil alan tələbələr müraciət edə bilərlər.

UDİD Proqramında iştirak ödənişlidir. Proqram üzrə ikinci ixtisasa müraciət edən tələbələr birinci ixtisasda nəzərdə tutulan və eyni olan fənləri yenidən dinləməyəcək. Onlar yalnız fərqli ixtisas fənlərini dinləyərək, müvafiq kreditləri toplayıb ikinci ixtisasa yiyələnəcəklər.

Proqramda iştirak etmək lazım olan sənədlər:

  • Rektorun adına Ərizə
  • ÜOMG-ləri də əks olunan akademik transkript

Sənədlər həftənin I-V günləri saat 9:00-13:00-dək qəbul ediləcək.

Ünvan: UNEC-in əsas tədris binası (İstiqlaliyyət küç., 6), Distant, Qiyabi və Əlavə Təhsil Mərkəzi (107 saylı otaq).

UNEC NEWS

35 2