“Əməyin iqtisadiyyatı və təşkili” kafedrasının müdiri, professor Tofiq Quliyevin çıxış etdiyi elmi seminarda UNEC-in professor-müəllim heyəti iştirak edib.
İstər qlobal, istərsə də milli iqtisadiyyatın vaxtı çatmış iqtisadi, sosial, və idarəetmə problemlərinin iqtisad elmindən kənarda qaldığına diqqət çəkən professor iqtisad elmində sosiallıq, tənqidi realizm metodu və üslubun zəif olduğunu bildirib. O, iqtisadi nəzəriyyə, paradiqma və onların real iqtisadiyyatla əlaqəsinin təmin edilməsinin mühüm araşdırma tələb etdiyini vurğulayıb.
“İqtisad elminin imkanlarını zənginləşdirmək və genişləndirmək lazımdır” deyən T.Quliyev bu sahədə öz tövsiyələrini verib. Auditoriya qarşısında “iqtisadi bilik, yoxsa iqtisadi nəzəriyyə?” sualını qoyan professor iqtisadi riskin, qeyri-müəyyənliyin bazar iqtisadi modelinin atributu olması səbəblərini də açıqlayıb.
Seminar müzakirələrlə davam edib.