Azərbaycan Dövlət İqtisad Universitetini (UNEC) seçən Prezident təqaüdçülərinin sayı son 4 ildə 18 dəfə artıb.
Belə ki, 2014-2015-ci tədris ilində Prezident təqaüdçülərinin sayı 1 nəfər olduğu halda, 2018-2019-cu tədris ilində bu göstərici 18 tələbəyə yüksəlmişdir.
Başqa sözlə, II-ci ixtisas qrupu üzrə Prezident təqaüdçülərinin 75%-i məhz UNEC-ə üstünlük vermişdir.
Məlumat üçün bildirək ki, UNEC-ə qəbul olan I kurs tələbələrinin sayı ölkə üzrə I kurs tələbələrinin təqribən 8%-ni təşkil etdiyi halda, ölkə üzrə Prezident təqaüdçülərinin demək olar ki, 18%-i UNEC-in payına düşmüşdür.
Təhsil Nazirliyinin strukturuna daxil olan universitetlər sırasında Prezident təqaüdçülərinin sayına görə UNEC birinci yerdədir.
<a href=”http://news.unec.edu.az/xeber/125-universitet/4168-unec-e-daxil-olan-prezident-tegaudchulerinin-sayi-18-defe-artib”></a>