UNEC professoru dünyanın tanınmış biznes və elm adamlarının fikir platformasında

03 AVQUST 2017 | VIEWS:
1582

UNEC-in Elm şöbəsinin müdiri, professor Zahid Məmmədov Rusiya Azad İqtisadçılar Cəmiyyətinə (Вольное Экономическое Общество России) üzv olub.

1765-ci ildə II Yekaterinanın təşəbbüsü ilə təsis edilən Rusiya Azad İqtisadçılar Cəmiyyəti intellektual elitanı birləşdirən ictimai təşkilatdır. Cəmiyyətin təşkilatçılığı ilə keçirilən konfranslar Rusiya ilə yanaşı dünyanın tanınmış biznes və elm adamlarının fikir platformasına çevrilib. Cəmiyyət 10 ilə yaxındır ki, Rusiya Dövlət Dümasının dəstəyi ilə iqtisadiyyat və idarəetmə ixtisasları üzrə tədrisin keyfiyyətinin qiymətləndirilməsi prosesini də həyata keçirir. UNEC professoru nüfuzlu quruma üzv olmaqla onların mütəmadi təşkil etdiyi beynəlxalq iqtisadi konfranslara qatılacaq, eyni zamanda iqtisadiyyat və idarəetmə ixtisasları üzrə dünyadakı təhsil trendlərinin müzakirəsində iştirak edəcək. Müasir dünyada qlobal təhsil trendləri ilə beynəlxalq əmək bazarının tələblərininin uzlaşması mövzusunda diskusiyalara qatılacaq.

Həmçinin, Z.Məmmədovun məqalələri Rusiya Azad İqtisadçılar Cəmiyyətinin il ərzində dünyanın müxtəlif ölkələrində 11 milyon nüsxə ilə yayılan nüfuzlu elmi nəşrlərində çap olunacaq.

1583 2