UNEC tələbələri arasında esse müsabiqəsi keçirilib
Azərbaycan Dövlət İqtisad Universitetinin (UNEC ) Distant, qiyabi və əlavə təhsil mərkəzinin tələbələri arasında dövlət müstəqilliyinin 25 illiyinə həsr olunan esse müsabiqəsi keçirilib.
Müsabiqədən öncə Distant, qiyabi və əlavə təhsil mərkəzinin direktoru Səbuhi Tanrıverdiyev, Azərbaycan dili kafedrasının müdiri, professor Tofiq Əbdülhəsənli və tarixçi professor Abbas Seyidov dövlət müstəqilliyinin tarixi barədə məlumat veriblər. Bildirilib ki, 1991-ci il oktyabrın 18-də Ali Sovetinin sessiyasında Dövlət Müstəqilliyi haqqında Konstitusiya Aktı qəbul edilməklə Azərbaycanın dövlət müstəqilliyi yenidən bərpa edilib. Xalqın təkidli tələbi ilə Ulu Öndər Heydər Əliyevin 1993-cü ildə hakimiyyətə qayıdışı və apardığı müdrik siyasət nəticəsində ölkəmiz məhvolma təhlükəsindən, vətəndaş müharibəsindən xilas edilib. Həmçinin ictimai-siyasi sabitlik bərqərar olub və bütün sahələrdə uğurlu islahatların başlanmasına zəmin yaradılıb.
Çıxışlardan sonra tələbələrin esseləri dinlənilib. Ən yaxşı esse yazan tələbələr diplomlarla təltif edilib.