UNEC-in Beynəlxalq İqtisadiyyat Məktəbində I kurslar üçün ənənəvi “Conversation Club”a start verilib.

İlk “Conversation Club”un mövzusu “Mən UNEC tələbəsiyəm” olub. I kurs tələbələri universitet haqqında ilk təəssüratlarını bölüşüblər. Müəllimlərindən söz açan tələbələr onları savadlı olmaqla yanaşı işinə rəğbətlə yanaşan, fərqli düşüncə tərzinə malik və yüksək intellekt sahibi adlandırıblar.

Əcnəbi tələbələrin də fəal iştirak etdiyi “Conversation Club” I kurs tələbələrinin dil baryerinin qısa zamanda aradan qalxmasına və ingilis dilinin təkmilləşməsinə kömək edəcək. UNEC-in mübadilə proqramlarında fəal iştirak edən yuxarı kurs tələbələrinin təşkil etdiyi “Conversation Club”lar hər həftənin şənbə günü keçiriləcək.