Noyabrın 17-də Azərbaycan Dövlət İqtisad Universitetinin (UNEC) rektoru, professor Ədalət Muradov 2 saylı tədris binasının tələbə, müəllim və əməkdaşlarını qəbul edib.
Qəbulda iştirak edən tələbələr yeni layihə və təkliflərini səsləndirib. Rektor əhəmiyyətli layihələrin ən qısa zamanda reallaşdırılması üçün tam dəstək veriləcəyini qeyd edib. Tələbələr kollokvium təşkili ilə bağlı qarşılaşdıqları məsələlə barədə rektora məlumat çatdırıb. Tələbələrin təqaüd ilə bağlı sualları görüşdə cavablandırılıb.
Qəbula müraciət edən müəllimlər rektora tədrisin keyfiyyətinin artırılması ilə bağlı təkliflərini bildiriblər. Laboratoriyaların fəaliyyətinin təkmilləşdirilməsi qəbulda müzakirə olunub.
Rektor qəbuldan sonra tədris binasındakı şəraitlə yaxından tanış olub və dərslərdə işrirak edib.
Azərbaycan Dövlət İqtisad Universitetinin rektoru, professor Ədalət Muradovun tələbə və müəllimlərlə, eyni zamanda əməkdaşlarla növbəti görüşü noyabr ayının 24-də 1 saylı tədris binasında keçiriləcək.
Tələbələr 13:30-dan 14:30-dək, müəllimlər və digər əməkdaşlar 14:30-dan 15:30-dək qəbul olunur.
Qəbula yazılmaq üçün (012) 505-48-01 nömrəsinə zəng etmək lazımdır.