Dəyərli xanımlar!
Hər birinizi 8 mart – Beynəlxalq Qadınlar Günü münasibətilə səmimi qəlbdən təbrik edir, Sizə möhkəm cansağlığı, sevinc və səadət dolu ömür arzulayıram.
Bizə daim qayğı göstərən, şəfqət və məhəbbət hissləri ilə ömrümüzə məna qatan xanımlar milli-mənəvi dəyərlərimizin təmsilçisi və qoruyucusu rolunu öz üzərilərinə götürərək, fədakarlığın və səbrin simvolu olmuşdur. Analıq kimi müqəddəs bir zirvəni fəth etməklə, həyatın bütün məşəqqətini çiyinlərində daşımağı gözə alan qadınlar nümunəvi cəmiyyətin yeganə və mütləq təminatıdır.
Azərbaycan Dövlət İqtisad Universitetinin bütün xanımlarının bu dəyərli bayramını bir daha təbrik edir, ən səmimi arzularımı çatdırıram.