UNEC-in Zaqatala filialının müəllim və tələbələri Azərbaycan Dövlət Sərhəd Qoşunları Xidmətinin Zaqatalada yerləşən hərbi hissəsində xidmət göstərən əsgərlərlə görüşüblər.
Hərbi hissənin komandiri Adil Babayev çıxışına Ulu öndər Heydər Əliyevin “sərhəd hər bir müstəqil dövlət üçün çox əzizdir, vacib bir sahədir və təbiidir ki, sərhədin qorunmasında xidmət göstərən hər kəs xalqımızın, millətimizin hörmət və ehtiramına layiqdir” fikirləri ilə başlayıb. Bildirib ki, Vətən sərhəddən başlayır. Bu yolda əsgərindən generalınadək hər bir sərhədçi vətənini canı bahasına qoruyur və sevir: “Sərhəd hər bir dövlətin rəmzidir. Bayraq, gerb və himn kimi”, – söyləyən dövlət başçımız İlham Əliyev müstəqil dövlətin əsas dayağının onun silahlı qüvvələrində olduğunu vurğulayır”.
*
*
Ümumi fənlər kafedrasının müdiri, dosent Həqiqət Qədimova bildirib ki, “Hər şey vətən üçün”, – deyərək canını vətən uğrunda fəda etməyə hazır olan, ordumuzda xidmət edən əsgərlərimiz ən böyük vətənpərvərlərdir. Əlbəttə ki, hər bir Azərbaycan gənci öz vətənini, bayrağını sevməli, milliyyətçi və vətənpərvər olmalıdır. Sərhədlərimizin toxunulmazlığının və etibarlı qorunmasının aktual olduğu bir dövrdə Azərbaycan sərhədçiləri öz peşə borclarına sadiq qalaraq vətənin keşiyində layiqincə dayanırlar.
Sonra UNEC tələbələrinin hərbi hissəyə ekskursiyası təşkil edilib.