UNEC-də “Caucasus İnternational” akademik jurnalının təqdimatı

24 NOYABR 2017 | VIEWS:
1086

“Caucasus İnternational” akademik jurnalının növbəti sayı UNEC tələbələrinə təqdim olunub.

Azərbaycan Respublikasının Prezidenti yanında Strateji Araşdırmalar Mərkəzinin (SAM) əsas dövri elmi nəşrlərindən biri olan “Caucasus İnternational” jurnalı UNEC-in bakalavr, magistr və doktorantlarına təqdim edilib.

Təqdimatda SAM-ın Xarici siyasət məsələlərinin təhlili şöbəsinin müdiri Cavid Vəliyev jurnalın Cənubi Qafqazda ilk beynəlxalq səviyyəli nəşr olduğunu diqqətə çatdırıb. O, redaksiya heyətinə dünyanın beynəlxalq münasibətlər sahəsində nüfuzlu simaları daxil olduğu jurnalda beynəlxalq münasibətlər və xarici siyasətin müxtəlif problemlərinə, o cümlədən Qafqaz regionunda cərəyan edən proseslərə dair elmi məqalələrin dərc edildiyini vurğulayıb. Bildirib ki, “Caucasus İnternational” jurnalı nəinki Cənubi Qafqaz regionunda, eləcə də Türkiyə, Rusiya, ABŞ, Çin və Avropa ölkələrində geniş iqtisadi, siyasi və sosial məsələlər üzrə akademik müzakirələrə həm mahiyyət, həm də keyfiyyətcə kömək və təşviq etmək məqsədli bir platformadır.

1087 1