tex.e.n.,dos. Nuru Ağabala oğlu Mikayılov
1947-ci il iyun ayının 24-də Xaçmaz rayonunun Köhnə Xudat kəndində anadan olmuşdur.
1964-cü ildə Xudat şəhər orta məktəbini bitirib Azərbaycan Dövlət Universitetinin mexanika-riyaziyyat fakültəsinə daxil olmuşdur.
1969-cu ildə universitetinin mexanikaşünas ixtisasını bitirərək əyani aspiranturaya göndəriş almışdır.
1970-ci ildə Azərbaycan Dövlət Neft və Kimya İnstitutunda aspiranturaya daxil olmuşdur.
1973-ci ildə dissertasiya işini təqdim etməklə aspiranturanı bitirmiş və “Nəzəri mexanika” kafedrasında assistent vəzifəsində saxlanılmışdır.
1975-ci ildə Azərbaycan Dövlət Neft və Kimya institutunun Elmi Şurasında “Neftçıxarmada ikimayeli sistemlərin müstəqil hərəkətinin istilik və hidrodinamik tədqiqi” mövzusunda texnika elmləri üzrə namizədlik dissertasiyası müdafiə etmişdir.
2000-ci ilədək Azərbaycan Dövlət Neft Akademiyasında assistent, baş müəllim və dosent vəzifələrində çalismisdir. Neft Akademiyasının göndərişi ilə 1993-1996-cı illərdə Türkiyənin Sakarya vilayəti Adapazarı şəhərində riyaziyyat müəllimi olaraq çalışmışdir. Kiyev, Suzdal, Ufa, Bakı şəhərlərində keçirilən ümumittifaq və beynəlxalq elmi konfranslarda çıxışlar etmişdir. 33 elmi məqalənin və 2 ixtiranın müəllifidir.
2000-ci ildən Azərbaycan Dövlət İqtisad Universitetinin “Riyaziyyat” kafedrasının dosent, 2007-ci ildən Kommersiya fakültəsinin dekanı vəzifəsində işləmişdir.
2009-2016-cə illərdə İnformatika və idarəetmə fakültəsinin dekanı vəzifəsində işləyib.
Hazırda UNEC-də Rektorun kolleclər üzrə məsləhətçisidir, “Riyaziyyat və statistika” kafedrasının dosentidir.
2006-cı ildə nəşr olunmuş “Ali riyaziyyat kursuna aid məsələ və misallar” (iki cildli) İqtisad universitetləri üçün dərs vəsaitinin müəllifidir.
2007-ci ildə “Ali riyaziyyat kursundan mühazirələr” kitabı nəşr edilmişdir.
Pedaqoji fəaliyyətinə görə 2007-ci ildə “Azərbaycan Respublikası qabaqcıl təhsil işçisi” döş nişanı ilə təltif olunmuşdur.
AR Prezidentinin 26 sentyabr 2011-ci il Sərəncamına əsasən Azərbaycanda təhsilin inkişafındakı xidmətlərinə görə “Əməkdar Müəllim” fəxri adına layiq görülmüşdür.
UNEC-in Elmi Şurasının 24.11.2017-ci il tarixli iclasının qərarına əsasən N.Mikayılova Fəxri professor adı verilmişdir.
Evlidir, bir övladı, nəvələri var.
dos.N.Mikayılov UNEC NEWS-da
Maliyyə-İqtisad Kollecində Dövlət Bayrağı və Konstitusiya Günü (10.11.2017)
