Bakı Fond Birjası (BFB) UNEC-in “Maliyyə Laboratoriyası”nda “Kapital bazarları” mövzusunda master klass təşkil edib.
“Bilik mübadiləsi” layihəsi çərçivəsində reallaşan master klass “Azərbaycan Respublikasında maliyyə xidmətlərinin inkişafına dair Strateji Yol Xəritəsi”nə uyğun olaraq, Azərbaycanda sahiblik düşüncə tərzinin formalaşdırılması, kapital bazarlarının təşviqi və gənclər arasında bu sahəyə marağın artırılması məqsədi ilə təşkil olunub.
BFB-nin Ticarət və Üzvlük qrupunun rəhbəri Rəxşəndə Əlili və Biznesin İnkişafı qrupunun aparıcı mütəxəssisi Əli Orucov tələbələrə maliyyə bazarlarının növləri və fəaliyyət mexanizmləri, BFB-də qiymətli kağızlarla ticarət və listinq, post-ticarət əməliyyatları, qiymətli kağızları kütləvi ticarət olunan şirkət olmağın üstünlükləri, eləcədə “IPO” mövzuları barədə nəzəri və praktiki biliklərə dair geniş məlumat veriblər.
Müzakirələrlə davam edən master klassın sonunda fəal tələbələrə BFB-nin sertifikatları təqdim edilib.