İyulun 21-də Azərbaycan Dövlət İqtisad Universitetində (UNEC) “NGO Management” adlı təlim keçirilib. Təlim “İqtisadçı İdeyaların İnkişafı” və “Gənclərin Maarifləndirilməsinə Kömək” İctima Birliklərinin təşkilatçılığı ilə həyata keçirilib.
Təlim iştirakçıları beynəlxalq dərəcəli təlimçi Faiq İbrahimovdan düzgün qərarların verilməsi, vətəndaş cəmiyyətinin inkişafı, qeyri-hökumət təşkilatı strukturu və Azərbaycanda QHT, gənclərin QHT-də rolu və inkişafı, könüllülük fəaliyyətinin prinsipləri barədə ətraflı məlumat alıblar.
Sonda təlim iştirakçılarına sertifikat verilib.
Qeyd: “İqtisadçı İdeyalarının İnkişafı” İctimai Birliyi UNEC-in nəzdində təsis edilib. Birliyin yaranmasının əsas məqsədi iqtisadçı tələbə və gənclərin ideyalarının həyata keçirilməsi, lahiyələndirilməsi və “Qrant” müsabiqələrinə təqdim edilməsinə yardım göstərməkdən ibarətdir.