Azərbaycan Dövlət İqtisad Universitetində (UNEC) “Təsirli çıxışın dörd sirri” mövzusunda seminar keçirilib.
Seminarda tanınmış biznes eksperti Rəşad Bayramov qrup qarşısında danışığın əsas prinsiplərindən, gözəl nitqin tələbəyə gətirəcəyi uğurlardan, onun sabahın mütəxəsisi kimi yetişməsindəki rolundan danışıb. Bu bilikləri təcrübədə tətbiq etmək və gələcəkdə daha da təkmilləşdirmək yolları haqqında məlumat verib. Bildirib ki, çıxışın təsirli olması dinləyicilərlə dialoq qurma bacarığından, jest və mimikalarlardan istifadə qabiliyyətindən asılıdır. Həmçinin qısa fasilələr verməklə, maraqlı əhvalatlar danışmaqla çıxışı daha aydın, maraqlı və yaddaqalan etmək mümkündür.
Ekspert bildirib ki, güclü danışıq qabiliyyəti karyera üçün çox önəmlidir. Uğura aparan yolda əsas vasitələrdəndir.
Seminar tələbələrin fikir mübadilələri ilə davam edib.
SABAH qruplarının tələbələri üçün təşkil olunan seminar Təhsil Nazirliyinin SABAH İcra Komitəsinin dəstəyi ilə təşkil edilib. Seminar iki gün davam edəcək.