UNEC-də “İnkişafologiya” təlimi keçirilib
23 NOYABR 2015 | VIEWS:
Azərbaycan Dövlət İqtisad Universitetində “Hər həftə təlim ” layihəsinin ikinci mərhələsi olan “İnkişafologiya” təlimi keçirilib. Biznes İnzibatçılığı fakültəsinin Tələbə Gənclər Təşkilatının təşkilatçılığı ilə keçirilən təlim Toğrul Ələkbərin təqdimatında baş tutub.
“Karyera A-dan Z-yə” kitabının müəllifi Toğrul Ələkbər tələbələrə fərdi inkişafın karyera yüksəlişindəki əhəmiyyətindən danışıb. “Üçlü inkişaf” modelinin sirlərini açıqlayan təlimçi, karyerada uğur qazanmaq üçün lazım olan motivasiya, özünə inamın müsbət cəhətləri və digər müvafiq məsələləri diqqətə çatdırıb.
Tələbələrin fərdi inkişaf sahəsindəki sualları təlimçi tərəfindən cavablandırılıb.