Yanvarın 21-də Azərbaycan Dövlət İqtisad Universitetində (UNEC) nümunəvi dərslər davam edib.
Növbəti nümunəvi dərsdə professor Abbas Seyidov “Monqol işğalları. Azərbaycan XIII-XIV əsrlərdə” mövzusunda çıxış edib. Dərs maraqla qarşılanıb və mühazirəçi dərsdə iştirak edən professor-müəllim heyətinin mövzu ilə bağlı suallarını cavablandırıb.
Qeyd: Yanvarın 15-dən etibarən UNEC-də yeni layihəyə start verilib. Layihə çərçivəsində bir ay boyunca UNEC-in professor və kafedra müdirləri nümunəvi dərslər keçəcəklər. Dərslərdə universitetin müəllim heyəti, doktorant, dissertant, gənc müəllim və əməkdaşlarla yanaşı, digər ali təhsil müəssisələri, təşkilat və şirkətlərin nümayəndələri də iştirak edəcəklər.
Layihənin məqsədi təhsil verənlərin bilik və bacarıqlarının təkmilləşdirilməsi, eyni zamanda qocaman professor və təcrübəli pedaqoqların tədris və təlim texnologiyaları sahəsində öz biliklərini gənc nəslə ötürməsidir.
Müasir dövrün aktual problemlərinə həsr olunacaq nümunəvi dərslərin dinləyiciləri innovativ təlim texnologiyalarının tətbiqi ilə yanaşı, nümunəvi dərsdə öyrənilən problemlə bağlı nəzəri bilik və praktiki bacarıqlara da yiyələnəcəklər.