Yuxarı sinif şagirdləri üçün UNEC-i daha yaxşı tanımaq imkanı
UNEC-in professor-müəllim heyətinin orta ümumtəhsil məktəblərinə səfərləri başlayıb.
Səfərin məqsədi yuxarı sinif şagirdlərinə regionun ən böyük iqtisadyönümlü universiteti olan UNEC barədə ətraflı məlumat vermək, onları universtetdəki dörd dildə təhsil imkanları, beynəlxalq və ikili diplom, eləcə də təqaüd proqramları ilə tanış etməkdir.
Aprelin 18-də UNEC-in nümayəndə heyəti Nəsimi rayonunda yerləşən 1 saylı tam orta məktəbdə olub. Şagirdlərə UNEC-də həyata keçirilən yeniliklər, tədris olunan ixtisaslar, keçid balları, təhsil haqqı və güzəştlər barədə məlumat verilib. Görüşdə UNEC-in tanıtım çarxı nümayiş etdirilib.
Şagirdlərə UNEC-in məlumat vərəqələri təqdim edilib, onları maraqlandıran suallar cavablandırılıb.
UNEC kollektivinin məktəblərə səfəri aprel ayı ərzində Bakı, Sumqayıt, eləcə də regionun orta məktəblərini əhatə edəcək.