ADİU-da orkestr müşayətilə təlim keçirilib
17 APREL 2015 | VIEWS:
Aprelin 18-də Azərbaycan Dövlət İqtisad Univeristetində (ADİU) fərqli formatda təlim keçirilib. Azərbaycanda ilk dəfə olaraq orkestr müşayətilə təlim baş tutub.
ADİU-nun İnnovativ Biznes-İnkubatorunun, İnnovativ Biznes İnkubator və “AN project” şirkətinin təşkilatçılığı ilə baş tutan layihənin təlimçisi, biznes məsləhətçi Ahmet Murtezaoğlu olub. “Brand Architecture: People” adlı təlimdə biznes innovasiya, sahibkarlıq fəaliyyəti, markanın yaradılması və inşaası, dünya brendlərindən bəhs edilib. Məruzədə brend memarlığına insan aspektindən baxışın özəlliklərindən danışılıb. Xüsusi məqamlarda orkestrin ifası isə iştirakçılar tərəfindən maraqla qarşılanıb.
Tələbələr interaktiv formatda baş tutan təlimdən yüksək təəsüratla ayrılıblar.