ADİU-da təlim iştirakçılarına sertifikatlar təqdim olunub
Aprelin 22-də Azərbaycan Dövlət İqtisad Universitetində (ADİU) “Məktəb direktorları və direktor müavinləri üçün məktəbin idarə edilməsi” adlı təlimlərin iştirakçılarına sertifikatlar təqdim olunub.
Azərbaycan Respublikasının Təhsil Nazirliyi, Azərbaycan Dövlət İqtisad Universiteti və Müasir Təhsil və Tədrisə Yardım Mərkəzi İctimai Birliyinin təşkilatçılığı ilə keçirilən təlimlərdə orta ümumtəhsil məktəblərinin direktor və direktor müavini vəzifəsində çalışmaq istəyən mütəxəssislər iştirak edib.
Tədbirdə çıxış edən Tədris və təlim texnologiyaları üzrə prorektor, D.Bağırov təlim iştirakçılarına gələcək fəaliyyətlərində uğurlar arzulayıb.
Azərbaycan Respulikası Təhsil Nazirliyi Təhsildə innovasiyalar mərkəzinin baş məsləhətçisi N.Nağıyev iştirakçıları təbrik edib. Bildirib ki, bu təlimlərin məqsədi müasir idarəetmə sahəsində bilik və bacarıqlara yiyələnən, informasiya texnologiyalarına bələd olan, ölkəmizin təhsil və sosial inkişafına töhfə verə biləcək məktəb rəhbərlərini yetişdirməkdən ibarətdir.
Sonda iştirakçıllara sertifikatlar təqdim olunub.