ADİU ilə Vergilər Nazirliyi arasında əməkdaşlıq genişlənir
Azərbaycan Respublikası Vergilər Nazirliyi ilə Azərbaycan Dövlət İqtisad Universiteti (ADİU) arasında mövcud əməkdaşlığı inkişaf etdirmək üçün memorandum imzalanıb.
Memoranduma əsasən, universitetin vergi ixtisasları üzrə bakalavr və magistr pillələrində təhsil alan tələbələrinin elmi, istehsalat təcrübəsi təşkil ediləcək, buraxılış və magistr dissertasiyası işlərinə rəhbərlik etmək üçün nazirliyin nümayəndələri cəlb olunacaq. Həmçinin, ADİU vergi siyasəti, vergi qanunvericiliyinin və inzibatçılığının təkmilləşdirilməsi sahəsində ödənişli əsaslarla elmi-tədqiqat işlərini yerinə yetirəcək.
ADİU tələbələri Vergilər Nazirliyi tərəfindən keçirilən treninqlərdə, seminarlarda iştirak edəcək, universitetdə birgə elmi-praktik konfranslar, olimpiadalar, seminarlar, treninqlər, görüşlər təşkil olunacaq. Bundan başqa, universitetin vergi ixtisası üzrə təhsil alan tələbə, magistr və doktorantları üçün təqaüdlər təsis ediləcək.