Auditorlar Palatasının sədri UNEC magistrlərinə ustad dərsi keçib
Azərbaycan Respublikası Auditorlar Palatasının sədri, pofessor Vahid Novruzov Azərbaycan Dövlət İqtisad Universitetində (UNEC) olub.
UNEC-in Magistratura Mərkəzində “Mühasibat uçotu və audit” ixtisası üzrə təhsil alan I kurs magistrlərinə ustad dərsi keçən Vahid Novruzov onları uçot və auditlə bağlı nəzəri-praktiki problemlərlə, habelə Auditorlar Palatasının həyata keçirdiyi tədbirlərlə tanış edib. V.Novruzov dünya maliyyə böhranı şəraitində beynəlxalq və milli audit təşkilatlarının vəzifələri, fəaliyyət istiqamətləri, audit xidməti ilə məşğul olmaq üçün lisenziyalaşdırma və sertifikatlaşdırmanın əhəmiyyəti və əldə edilməsi mexanizmi, müstəqil auditlər tərəfindən aparılan audit yoxlamalarının keyfiyyət ilə bağlı məsuliyyət və s. kimi məsələləri şərh edib.
Sonda müzakirələrdə fəal iştirak edən magistrlərə audit xidməti ilə bağlı kitablar hədiyyə edilib.