“Azerbaijan Foresight” tədqiqatlarının perspektivləri müzakirə olunub
Minillik layihəsinin Meksika üzrə rəhbəri xanım Concepcion Olavarrieta və Azərbaycan Futuroloqlar Cəmiyyətinin sədri xanım Reyhan Hüseynova Azərbaycan Dövlət İqtisad Universitetində (UNEC) olub. Səfərdə məqsəd UNEC-lə əməkdaşlıq istiqamətlərini müzakirə etməkdir.
UNEC rektoru, professor Ədalət Muradovla görüşdə xanım Concepcion Olavarrieta UNEC tələbələrinin “Gələcək Nəsillərlə Üz-Üzə” 6-cı Ümumrespublika İnşa Müsabiqəsində ən yüksək nəticələr əldə etməsindən məmnunluğunu bildirib. Ümumilikdə, universitetin bu kimi tədbirlərdə fəal iştirak etməsini yüksək qiymətləndirib.
Görüşdə həmçinin “Azerbaijan Foresight” kursu və tədqiqatlarının perspektivləri müzakirə olunub. Qeyd edək ki, “Azerbaijan Foresight” gələcəklə bağlı tədqiqatlara həsr olunan, tələbələrin aparıcı mütəxəssislərinin dəstəyi ilə gələcəklə bağlı biliklərinin inkişaf etdirilməsini nəzərdə tutub. Həmçinin Azərbaycan Futuroloqlar Cəmiyyətinin qarşısında duran 15 qlobal vəzifənin ətrafında fikir mübadiləsi aparılıb, qeyd olunan vəzifələrdən irəli gələn məsələlərin cəmiyyətimizdə təbliğinin zəruriliyi vurğulanıb.