Azərbaycan Dövlət İqtisad Universitetinin (ADİU) Beynəlxalq İqtisadi Münasibətlər (BİM) fakültəsində Ulu Öndər Heydər Əliyevin anadan olmasının 92-ci ildönümünə və gül bayramına həsr olunan tədbir keçirilib.
“Ulu Öndər Heydər Əliyev haqqında xatirələr: onunla ünsiyyətdə olan insanların dili ilə” mövzusunda keçirilən tədbirdə dekan Mənsur Bərxudarov çıxış edərək, müstəqil Azərbaycan dövlətinin memarı və qurucusu Heydər Əliyevin əziz xatirəsinin hər zaman əziz tutulduğunu, Vətənimizin bütün guşələrində ehtiramla yad edildiyini bildirib.
Respublikanin xalq artistləri Nurəddin Mehdixanli, Ofelya Sənani və İlham Əsgərov ADİU-nun müəllim və tələbə heyətinə Ulu Öndərlə bağlı xatirələrini danışıblar. Tədbir konsert proqramı ilə davam edib.
Qeyd edək ki, Ulu Öndər Heydər Əliyevin anadan olmasının 92 illiyi münasibəti ilə Beynəlxalq İqtisadi Münasibətlər fakültəsi ilə Heydər Əliyev adına Litsey “Heydər Əliyev və Azərbaycanda təhsil” mövzusunda açıq dərs təşkil edib.
Avropa Birliyinin Vətəndaş Cəmiyyəti Forumunun həmsədri, iqtisadçı alim Vüqar Bayramov BİM fakütəsinin tələbələrinə “Ümummilli Lider Heydər Əliyevin enerji strategiyası və Azərbaycanda dayanıqlı iqtisadi inkişaf”, Beynəlxalq ticarət və gömrük işi kafedrasının müdiri, respublikanın əməkdar elm xadimi Arif Şəkərəliyev “Heydər Əliyev və Azərbaycanın xarici ticarət siyasəti”, professor Bəhruz Abdullayev “Heydər Əliyevin sülh strategiyası”, İqtisadiyyat və sənaye fakültəsinin dekani Asiman Qulyev “Heydər Əliyevin iqtisadi strategiyası və Azərbaycanda ÜDM-un dinamikası”, iqtisad elmləri doktoru Müşfiq Quliyev “Heydər Əliyev və iqtisadi təhsil” movzusunda məruzə oxuyub. Tələbələri maraqlandıran suallar cavablandırılıb.