Türk Dünyası İşlətmə Fakültəsində “Məzun günü” keçirilib
Mayın 7-dəAzərbaycan Dövlət İqtisad Universitetinin (ADİU)Türk Dünyası İşlətmə Fakültəsində “Məzun günü” keçirilib. “Məzun günü”ndə professor və müəllim heyəti, iş adamları, tələbələr və valideyinlər iştirak edib.
Tədbir Azərbaycan və Türkiyə Respublikalarının dövlət himnlərinin səslənməsi ilə başlayıb. ADİU-nun tələbələrlə iş üzrə prorektoru Səadət Qəndilova Türk dünyası işlətmə fakültəsinin məzunlarını təbrik edərək, onlara universitetin rektoru, professor Ədalət Muradovun təbrikini çatdırıb. Sonra Türk Dünyası Araştırmalar Vəqfi təhsil koordinatoru Prof.Dr.İsmail Tatlıoğlu çıxışında Türk Dünyası Araştırmalar Vəqfinin qurduğu Türk Dünyası İşlətmə fakültəsinin dünənki, bugünkü və gələcək strategiyaları haqqında danışıb.
Fakültə dekanı Prof.Dr.Bahaddin Rza oğlu, Türkiyə Cumhuriyyəti səfirliyi adından iştirak edən Kültür və Tanıtma müşaviri Seyit Ahmet Arslan, TİKArəhbəri Mustafa Haşim Polat, Tüsiab adına idarə heyyəti üzvü Dr.İbrahim Əliyev, ATİB rəhbəri Camal Yanqın, Türkiyə Cumhuriyyəti Eğitim Müşaviri yardımcısı İdris Göbutoğlu çıxış edərək məzunları təbrik ediblər.
Məzunlar “simvolik diplomla” təltif olunub. Tədbir konsert proqramı ilə davam edib.