UNEC-də EDUMAN elektron universitet təlimlərinə start verilib
08 SENTYABR 2015 | VIEWS:
Azərbaycan Dövlət İqtisad Universitetində vahid elektron idarəetmə platforması olan EDUMAN sisteminin istifadəsinə başlanılıb. Tədris prosesində müasir texnologiyaların tətbiqi sahəsində həyata keçirilən yeniliklərdən biri olan bu sistem vasitəsilə bütün tədris prosesinin elektronlaşdırılması mümkün olacaq.
Sentyabrın 8-də sistemin tətbiqi ilə əlaqədar Uçot-iqtisad və Maliyyə fakültələrinin müəllimləri üçün təşkil olunan təlimlərdə elektron tribuna, müəllimlərin şəxsi kabineti, elektron jurnal, sərbəst işlərin elektron qaydada qəbulu və digər mövzular haqqında məlumat verilmişdir.
Təlimlərin ilk günündə 110 müəllim iştirak etmişdir. Növbəti günlərdə daha 150 müəllimin təlimlərdə iştirakı planlaşdırılır.