UNEC-də “Siqaretdən imtina” günləri keçirilir
Azərbaycan Dövlət İqtisad Universitetində (UNEC) ” 19 noyabr – Beynəlxalq siqaretdən imtina günü” çərçivəsində “Siqaretdən imtina” günləri keçirilir.
“İqtisadçı Gənclər Akademiyası” İctimai Birliyi ilə Tələbə Gənclər Təşkilatının birlikdə təşkil etdiyi “Siqaretdən imtina” günləri çəçivəsində universitetin professor-müəlim heyəti, tələbə, magistrant, doktorantları və bütün əməkdaşları xüsusi hazırlanan lövhənin qarşısında çəkdirdikləri şəkilləri sosial şəbəkələrdə #nefesiniqoru #siqareteyox #tustusuzheyat #smokekillsus #saveurlungs #nosmokeyeslovehəştəqləri ilə paylaşacaqlar. Siqaretsiz həyatı təbliğ etmək üçün şəkillərdə hər kəsin pozitiv görünməsi şərtlərdən biridir.
Eyni zamanda tələbələr “Siqaretdən imtina” günü çərçivəsində video rolik hazırlayıblar. Videorolikdə siqaretin zərərlərindən bəhs edilir.