UNEC-də yeni qəbul olan tələbələr üçün Oriyentasiya günü keçiriləcək
Dünya universitetlərində ənənəvi təşkil olunan Oriyentasiya Gününün məqsədi yeni qəbul olan tələbələri universitet həyatı ilə tanış etmək və əyləncəli, pozitiv gün yaşatmaqdır.
Gün boyu tələbələrə universitet barədə təqdimatlar, Məlumat və bələdçi xidməti, tələbələrin ifasında musiqili hissə, əyləncəli oyunlar, stolüstü tennis, rəsm sərgisi və digər pozitiv fəaliyyətlər nümayiş etdiriləcək. Karyera Mərkəzi universitet sıralarına yeni daxil olan tələbələr üçün məsləhətlər təşkil edəcəkdir.
Tədbir zamanı peşəkar foto və video xidməti də fəaliyyət göstərəcək.
Tədbir universitetin bütün tədris binalarında təşkil olunacaq.
Oriyentasiya günü 14 sentyabr saat 11:00-15:00-dək keçiriləcək.
Universitetə yeni qəbul olan tələbələrlə yanaşı, onların valideynləri və digər qonaqlar da tədbirə dəvətlidir.