UNEC-in gənc müəllimi – Avstraliya Milli Universitetinin magistri
Azərbaycan Dövlət İqtisad Universitetinin (UNEC) əməkdaşı Nicat Hacıxanov Avstraliya Milli Universitetində ikinci magistratura təhsilini muvəffəqiyyətlə başa vurub. N.Hacıxanov ilk magistratura təhsilini UNEC-də alandan sonra, “2007-2015-ci illərdə Azərbaycan gənclərinin xaricdə təhsili üzrə Dövlət Proqramı” üzrə Avstraliya Milli Universitetində təhsil alıb. O, təhsil aldığı iki il ərzində nüfuzlu Avstraliya Milli Universitetində mühasibat uçotu üzrə elmi tədqiqat aparılması, eyni zamanda, inkişaf etmiş ölkələrin uçot sistemi sahəsində mövcud yeniliklər barəsində biliklərə yiyələnib.
UNEC-in gənc müəllimi N.Hacıxanov Beynəlxalq İqtisadiyyat Məktəbində və UNEC Biznes Məktəbində “İdarəetmə uçotu” və “Vergi uçotu” fənlərindən dərs deyib. Həmçinin “Peşəkar Mühasibat Mərkəzi” layihəsi ilə İnnovativ Biznes İnkubatorun ilk startapçılarındandır.
Qeyd: Avstraliya Milli Universiteti dünya reytinq sistemi üzrə Avstraliyanın bir nömrəli, dünyada isə 22-ci yerdə qərarlaşan güclü tədqiqat bazasına malik olan universitetidir. Bu ali təhsil ocağının heyətində altı Nobel mukafatı laureatı var.