Azərbaycan Dövlət İqtisad Universitetinin (UNEC) 90 illik yubileyi ərəfəsində şəhərdaxili müasir kampus standartlarına cavab verən, modern memarlıq elementləri ilə zəngin yeni kampusu istifadəyə veriləcək.
Müasir standartlara cavab verən yeni tədris binasında texniki və texnoloji ixtisaslar üzrə 3 min tələbə təhsil ala biləcək. Yeni tədris binasında 30 auditoriya, 6 mühazirə otağı, ən müasir texnologiya ilə təchiz olunan 12 təhsil laboratoriyası, 6 linqafon otağı, inzibati otaqlar, yeməkxana, idman zalı, kitabxana, böyük və kiçik konfrans zalları olacaq. Bina 5 mərtəbədən ibarətdir.