UNEC-in prorektoru ABŞ-da Azərbaycanın təhsil sistemindən danışıb
Azərbaycan Dövlət İqtisad Universitetinin (UNEC) Beynəlxalq əlaqələr və proqramlar üzrə prorektoru Şahin Bayramov ABŞ-ın Pensilvaniya Dövlət Universitetində “Azərbaycanda ümumi (orta) təhsil” mövzusunda geniş təqdimatla çıxış edib. O, Azərbaycanın milli təhsil sistemi haqqında ətraflı məlumat verib, ümumi təhsil pilləsinin xarakterik xüsusiyyətlərinə dair fikirlərini bölüşüb, ibtidai təhsil, ümumi orta təhsil və tam orta təhsil səviyyələri, eləcə də ilk peşə ixtisas təhsili barədə danışıb.
Ş.Bayramov ümumi təhsilə dair dövlət siyasətinin prioritetləri, “Azərbaycan Respublikasında təhsilin inkişafı üzrə Dövlət Strategiyası” çərçivəsində ümumi təhsil sahəsində reallaşdırılan islahatlar, 12 illik təhsil sisteminə keçid, yeni tədris kurrikulumu, məktəb tikintisi və ümumi təhsilin statistik göstəriciləri haqqında məlumatları diqqətə çatdırıb.
*
Sonda Pensilvaniya Dövlət Universitetinin Təhsil Kollecinin tələbə və müəllimlərinin sualları cavablandırılıb.