Martın 2-də Azərbaycan Həmkarlar İttifaqları Konfederasiyasında (AHİK) 2015/2016-ci tədris ilinin qış imtahan sessiyasının nəticələrinə görə uğur qazanan və həmkarlar ittifaqı fəalı olan ali məktəb tələbələrinə Azərbaycan Təhsil İşçiləri Azad Həmkarlar İttifaqı Respublika Komitəsinin adlı təqaüdlərinin verilməsivə ötən il beynəlxalq tədbirlərdə qalib olan tələbələrin mükafatlandırılması ilə bağlı mərasim keçirilib.
AHİK-in sədri, millət vəkili Səttar Mehbalıyev müasir dünyada elmin, təhsilin, mədəniyyətin, idmanın mühüm rolundan danışıb, ölkə başçısının bu sahələrin inkişafına xüsusi önəm verdiyini bildirib. Rəhbərlik etdiyi qurumun fəaliyyəti barədə məlumat verən S.Mehbalıyev bildirib ki, Azərbaycan Təhsil İşçiləri Azad Həmkarlar İttifaqı Respublika Komitəsinin adlı təqaüdü 1995-ci ildə təsis olunub. Təqaüd qış və yay imtahan sessiyalarının nəticələrinə görə uğur qazanan və həmkarlar ittifaqı fəalı olan tələbələrə verilir.
Sonra tələbələrə adlı təqaüdlər təqdim edilib. Təqaüd alanlar sırasında UNEC tələbələri də var:
Bundan başqa, 2015-ci ildə beynəlxalq səviyyəli elm, incəsənət və idman müsabiqələrində iştirak edərək yüksək nailiyyətlər qazanan tələbələrə də fəxri fərman və pul mükafatı verilib. Təltif edilən tələbələr arasında UNEC-in İqtisadiyyat və Sənaye fakültəsinin III kurs tələbəsi Ümid Məmmədzadə də var. Ü.Məmmədzadə qaydasız döyüş üzrə ikiqat dünya, habelə Avropa, üçqat respublika, Qafqaz çempionudur və bir sıra beynəlxalq turnirlərin mükafatçısıdır.