UNEC tələbələri Rusiyanın nüfuzlu ali məktəbinin magistratura pilləsi üçün şanslarını sınayıblar
Azərbaycan Dövlət İqtisad Universitetində (UNEC) Rusiya Federasiyasının Ali İqtisad Məktəbinin (Milli Tədqiqat Universiteti) (AİM) magistratura pilləsinə qəbul üçün olimpiada keçirilib.
İki gün davam edən olimpiada AİM-in magistraturasında təhsil almaq istəyən xarici ölkə (əsasən MDB və Baltikyanı ölkələr) vətəndaşları olan tələbə və məzunlar arasında, eyni vaxtda 12 ölkənin 36 şəhərində keçirilib. Qalibvə mükafatçılar AİM-in magistraturasına imtahansız qəbul olunmaqla, ödənişsiz və təqaüdlü təhsil almaq hüququ qazanacaqlar.
Olimpiada əsasən iqtisadiyyat, menecment, maliyyə, dünya iqtisadiyyatı, biznes-informatika, riyaziyyat, dövlət idarəetməsi, beynəlxalq biznes, psixologiya istiqamətlərini əhatə edib.
Rusiya Federasiyasının Ali İqtisad Məktəbi(MilliTədqiqat Universiteti) olimpiadanın nəticələrini aprel ayında açıqlayacaq.