UNEC-in professor-müəllim heyəti və tələbələri Aprel qələbəsinin ildönümündə Horadizə və Lələtəpə yüksəkliyinə səfər ediblər. Universitet əməkdaşları səfərlə bağlı təəssüratlarını unce.edu.az saytı ilə bölüşüblər.
Millət vəkili, UNEC-in “Qiymət və qiymətləndirmə” kafedrasının müdiri, professor Xanhüseyn Kazımlı: “Aprel döyüşləri bizim şanlı hərbi qələbəmizdir, dövlətimizin, xalqımızın, ordumuzun gücünü göstərən qələbədir. Bu döyüşlər onu göstərir ki, Azərbaycan xalqı və dövləti heç vaxt işğalla barışmayacaq. Bu gün əsgərlərimizdə gördüyümüz ruh yüksəkliyi, hərbi hazırlıq onu deməyə əsas verir ki, biz ərazi bütövlüyümüzü nəyin bahasına olursa-olsun bərpa edəcəyik”.
Maliyyə və mühasibat fakültəsinin dekanı, dosentGəray Musayev: “Əsgərlərimizin döyüş hazırlığı və Vətən sevgisi qürurvericidir. Hamımızın ümumi vəzifəmiz xalqımızda vətənpərvərlik, millətə sədaqət, Vətən uğrunda şəhidliyə hazır olmaq hisslərini formalaşdırmaq, inkişaf etdirmək və təbliğ etməkdir. Biz də geri dönərkən bir müəllim kimi burada, ön cəbhədə gördüklərimizi, hiss etdiklərimizi mütləq tələbələrimizəçatdıracağıq. Qələbə bizimlədir!”
“Qiymət və qiymətləndirmə” kafedrasının baş müəllimi, şəhid Qiyas Quliyevin qardaşı İbrahim Quliyev: “Bu yürüşqəhrəman şəhidlərimizin, o cümlədən şəhid qardaşının ruhuna ehtiram əlamətidir. Azərbaycanın suverenliyi hər birimizin ən müqəddəs məqsəd və vəzifədir. Belə olan halda biz öz taleyimizin sahibi kimi vətənimizi, torpaqlarımızı öz gücümüzlə qorumalıyıq. Qardaşım da bu amal uğrunda şəhidlik zirvəsinə ucalıb. Vətən sağ olsun!”
UNEC tələbəsi, Aprel döyüşlərinin iştirakçısı Məftun İsmayılov: “Bu gün şəhid olmuş cəbhə yoldaşlarımın ailə üzvləri ilə görüşdük. Onların qarşısında baş əyirəm. Yoldaşlarımın xatirəsi mənim üçün müqəddəsdir. Aprel döyüşləri ilə bağlı unudulmaz xatirələrim var. Bu döyüşlərdə sinəmdən qəlpə yarası aldım, lakin buna baxmayaraq səngəri tərk etmədim. Fəxr edirəm ki, belə bir böyük əməliyyatın iştirakçısıyam və bu qələbədə mənim də payım var. Əməliyyatda üzərimə düşən vəzifəni layiqincə yerinə yetirdim. Ali Baş Komandanımızın əmri iləyenə də döyüşə hazıram”.
UNEC-in tələbə-rektoru Şahin Həsənov: “Torpaqlarımızın azadlığı uğrunda döyüşən igid əsgərlərlə birlikdə olmaq, onların döyüş xatirələrini dinləmək sözlə ifadə edilə bilinməyən hisslərdir. Bu qələbə uğrunda şəhid olan UNEC-in iki məzunu – Tural Dadaşov və Mahir Mirzəyevin adını qürurla çəkirik. Biz onlarlafəxr edirik. Qoy onların ruhu rahat olsun, çünki biz – gələcəyin əsgərləri onların qısasını alacağıq.Biz gənclərdə vətənpərvərlik ruhu, döyüş ruhu daha güclü olmalıdır. Çünki Vətəni, torpağı müdafiə etmək hər bir gəncin müqəddəs vəzifəsidir”.