Xarici dil müəllimləri üçün fürsət: Distant tədrisdə ABŞ təcrübəsi
Sentyabrın 7-də UNEC-in təşkilatçılığı ilə “Xarici dilin distant tədrisinin təkmilləşdirilməsi imkanları – 2020” mövzusunda onlayn beynəlxalq konfrans keçiriləcək.
Beynəlxalq konfransda ABŞ-ın aparıcı universitetlərinin alimləri xarici dilin distant tədrisinin təkmilləşdirilməsi yolları, onlayn mühitdə tədris və öyrətmə, onlayn tədris kontekstində tələbələri cəlb etmə, müasir təhsilalanlar, effektiv dərs kitabları və onlayn tədris mövzularında çıxışlar edəcəklər. Konfransın moderatoru UNEC-in “Xarici dillər” kafedrasının dosenti, ABŞ-ın Fulbrayt proqramının məzunu Sevinc Ələkbərzadədir.
Beynəlxalq konfrans UNEC-in rəsmi Facebook səhifəsi üzərindən Bakı vaxtı ilə saat 18:00-da, ABŞ vaxtı ilə səhər 09:00-da canlıyayımlanacaq.
Beynəlxalq konfransda izləyicilərin sualları da cavablandırılacaq.
Xarici dili daha maraqlı, interaktiv və keyfiyyətli tədris etmək istəyən hər kəsi konfransa qoşulmağa dəvət edirik!
Konfransın spikerləri:
Dr.Qram R.Smit – ABŞ Boston kollecinin Linç Təhsil və İnkişaf məktəbinin xarici dil müəllimi, elmi tədqiqatçı
Maryna Teplova – ABŞ İllinoys Dövlət Universitetinin “İngilis dili” kafedrasının doktorant müəllimi
Tasito Kuri – ABŞ Beynəlxalq TEFL Təlim İnstitutunun rəhbəri
Gizela Kornejo – ABŞ Beynəlxalq TEFL Təlim İnstitutunun akademik rəhbəri
http://news.unec.edu.az/xeber/100-elm/6748-xarici-dil-muellimleri-uchun-furset-distant-tedrisde-absh-tecrubesi