Zehni əvvəlcədən qorumaq lazımdir
Azərbaycan Dövlət İqtisad Universitetinin (UNEC) Rus İqtisadiyyat Məktəbində peşəkar oftalmoloq Nigar Hüseynova ilə görüş keçirilib. Rus İqtisadiyyat Məktəbinin direktor müavini Anar Eyyubov hər bir ali təhsil müəssisəsinin yetişdirdiyi gənclərə dair əsas vəzifələrdən birinin də savadlı olmaqları ilə yanaşı, onları sağlam həyat tərzinə cəlb etmək, səhhətlərinə artıq indidən qulluq etməyin vacibliyini aşılamaq olduğunu bildirib. N.Hüseynovanın Rusiyada ixtisas təhsilini davam etdirdiyini, oftalmologiya sahəsinin ən son yeniliklərini izlədiyini və göz cərrahı olaraq praktikada tətbiq etdiyini tələbələrin diqqətinə çatdırıb.
N.Hüseynova tələblər qarşısında maraqlı təqdimatı ilə çıxış edib. O, həyatdan nümunələr çəkməklə, canlı diskussiya şəklində əsasən, gənclərin rastlaşa biləcəyi göz problemləri, onların qarşısının alınması və müalicəsi haqqında ətraflı məlumat verib. Müasir kompüter texnologilayalarının həyatımızın bir parçasına çevrildiyi dövrdə gözə qayğı, diqqətlə yanaşmağın vacibliyini vurğulayaraq, oftalmologiya sahəsinin son yenilikləri və imkanları barədə söz açıb. Görüşün sonunda oftolmoloq Nigar xanım ona konkret göz problemləri ilə sual ünvanlayan tələbələrə öz tövsiyyələrini verib.
*
