emek_natiq_foto

i.e.d., prof. Qasımov Natiq Əbülfəz oğlu

19 Mart 1960-cı ildə Bakı şəhərində anadan olub.

1982-ci ildə Azərbaycan Kənd Təsərrüfatı Akademiyasının iqtisadiyyat fakültəsini fərqlənmə diplomu ilə bitirib.
1992-ci ildə Prezident  Yanında Idarəçilik Akademiyasını (qiyabi) fərqlənmə diplomu ilə bitirib.

1982-1989-cu illərdə  Azərbaycan Elmi tədqiqat kənd təsərrüfatı iqtisadiyyatın təşkili institutunda kiçik və baş elmi işçi vəzifəsində çalışıb.

1986-cı ildə AMEA İqtisadiyyat institutunda namizədlik dissertasiyasını müdafiə edib, həmin ildə Ali Attestasiya Komissiyası tərəfindən iqtisad elmləri namizədi elmi dərəcəsinə layiq görülüb.

1989-1993-cü illərdə Azərbaycan İqtisadçılar İttifaqında sədr müavini vəzifəsində çalışıb.
1993-1995-ci illərdə “Azəryeyintisənaye” Elmi tədqiqat institunun direktoru vəzifəsində işləmişdir.

1992-ci ildə AAK tərəfindən dosent, 2004-cü ildə professor elmi adlarına layiq görülüb.

1995 – 1997-ci illərdə Azərbaycan Respubliksı Maliyyə Nazirliyində baş idarə rəisinin birinci müavini vəzifəsində çalışıb.

1996-ci ildə Beynəlxalq İqtisadçılar İttifaqının həqiqi üzvü seçilib.

1996-cı ildə doktorluq dissertasiyasını müdafiə edərək iqtisad elmləri doktoru elmi dərəcəsinə layiq görülüb.

 

1997- 2000-ci illərdə Əmək və Sosial Problemlər üzrə Elmi-Tədqiqat və Tədris Mərkəzində direktor vəzifəsində işləmişdir.

2000-2001-ci ilə kimi  Azərbaycan Respublikası Vergilər Nazirliyində baş idarə rəisinin birinci müavini vəzifəsində çalışıb.

2001-ci ildə Azərbaycan Respublikası Prezidentinin Sərəncamı ilə N.Ə.Qasımov Vergilər Nazirinin müavini vəzifəsinə təyin edilmişdir. O, bu vəzifədə 2010-cu ilin aprel ayina kimi xidmət göstərib.

2002-ci ildə Beynəlxalq Menecment Akademiyasının həqiqi üzvü seçilib.

2005-2010-cu illərdə Prezident yanında AAK iqtisadiyyat sahəsi üzrə ekspert kimi fəaliyyət göstərib.

2005-ci ildə Azərbaycan Respublikası Prezidentinin Sərəncamı ilə N.Ə.Qasımova üçüncü dərəcəli Dövlət Vergi müşaviri rütbəsi verilib.
2010-cu ildən Azərbaycan  Dövlət İqtisad Universitetinin “Əməyin iqtisadiyyatı və təşkili” kafedrasında,  2019-cu ildən “Sosial inkişaf iqtisadiyyatı və qiymətləndirmə” kafedrasının professordur.
110-dən artıq elmi əsəri, o cümlədən 12 monoqrafiya və kitabları müxtəlif dillərdə çap edilib.

Ailəlidir, iki övladı  var.