UNEC-də Tədris və təlim texnologiyaları üzrə prorektor vəzifəsinə Anar Rzayev təyin olunub
Bu gün rektor, professor Ədalət Muradov UNEC-in Tədris və təlim texnologiyaları üzrə prorektoru Anar Rzayevi kollektivə təqdim edib.
Ali məqsədimizin keyfiyyətli təhsil təqdim etmək olduğunu qeyd edən rektor, UNEC-in daim tədrisin təkmilləşdirilməsi üzərində çalışdığını bildirdi. Bu sahədə A.Rzayevə müvafiq tapşırıqların verildiyini bildirən rektor, UNEC-də təhsil prosesinin təkmilləşdirilməsi məqsədi ilə bir sıra yeniliklərin həyata keçiriləcəyini qeyd etdi.
Təhsil naziri Ceyhun Bayramova Tədris və təlim üzrə prorektor olaraq A.Rzayevin təyinatını dəstəklədiyinə görə minnətdarlığını bildirən rektor A.Rzayevə fəaliyyətində uğurlar arzuladı.
Rektor UNEC-də artıq tətbiq olunmuş müasir idarəçilik prinsiplərinin daha da genişləndiriləcəyini vurğuladı.
Qeyd edək ki, A.Rzayev 1973-cü ildə anadan olub. Bakalavr təhsilini Xəzər Universitetində alıb. “ACTP” tələbə mübadiləsi müsabiqəsində Bakıda, sonra isə Moskvada qalib gələrək təhsilini ABŞ-ın Nyu-York ştatının Sirakuz Universitetinin Yutika Kollecində davam etdirib.
<a href=”http://news.unec.edu.az/xeber/125-universitet/4619-unec-de-tedris-ve-telim-texnologiyalari-uzre-prorektor-vezifesine-anar-rzayev-teyin-olunub”></a>