“Klasterial inkişaf və innovasiya” şöbəsi
“Klasterial inkişaf və innovasiya” şöbəsi Azərbaycan Dövlət İqtisad Universiteti (UNEC) nəzdində İqtisadi Araşdırmalar Elmi-Tədqiqat İnstitutunun struktur bölməsidir, universitetin rektoruna və institutun rəhbərliyinə tabedir. Şöbə öz fəaliyyətini Azərbaycan Respublikasının qanunvericilik və normativ sənədlərini, universitetin daxili qaydalarını, rəhbərliyin əmr və sərəncamlarını və Elmi Şuranın qərarlarını rəhbər tutaraq, institutun iş planları və rəhbərliyin tapşırıqları əsasında həyata keçirir.
Şöbənin əsas vəzifələri aşağıdakılardan ibarətdir:
- Elmi-tədqiqat işlərinin təsdiq olunmuş plana uyğun vaxtında və tələb olunan səviyyədə yerinə yetirilməsi;
- Klasterial inkişaf və innovasiya sahələrində aparılacaq elmi araşdırmaların respublikada və digər təşkilatlar tərəfindən aparılan elmi-tədqiqat işləri ilə əlaqələndirilmiş şəkildə həyata keçirilməsi;
- Şöbənin elmi fəaliyyəti nəticələrinin hesabat, məruzə, arayış formasında ümumiləşdirilərək, universitetin və institutun rəhbərliyinə təqdim olunması;
- Şöbənin fəaliyyəti barəsində institutun rəhbərliyinə hər kvartalın sonunda və illik olaraq hesabatın verilməsi və növbəti il üçün iş planının təqdim edilməsi.
*
Şöbənin fəaliyyəti əsasən aşağıdakı istiqamətlər üzrə qurulmuşdur:
- Klasterial inkişaf və innovasiya sahəsində informasiya bazasının formalaşdırılması;
- Ölkədə Milli İnnovasiya Sisteminin formalaşması və inkişafı, innovasiya infrastrukturunun qurulması və innovasiya siyasətinin əsas istiqamətlərinin müəyyənləşdirilməsi istiqamətində araşdırmaların aparılması;
- Klasterial inkişaf və innovasiya sahələrində mövcud problemlərin elmi-nəzəri cəhətdən əsaslandırılması, onların həlli imkanlarının araşdırılması və mövcud problemlərin aradan qaldırılması istiqamətlərinin işlənməsi;
- Klasterial inkişafın hüquqi əsaslarının yaradılması və inkişaf etdirilməsi, habelə sənaye, xidmət və kənd təsərrüfatı sahələrində klasterial inkişafın təmin edilməsi sahəsində tədqiqatların aparılması;
- İqtisadi inkişafın innovasiyalara əsaslanan iqtisadiyyat üzrə qurulması və innovasiya yönümlü iqtisadi inkişafın təmin edilməsi istiqamətində mövcud problemlərin tədqiqi;
- İnnovasiya fəaliyyətinin maliyyələşdirilməsi mexanizmlərinin qiymətləndirilməsi və onların fəaliyyətinin təkmilləşdirilməsi istiqamətində tədqiqatların aparılması.