UNEC və Coursera təhsildə süni intellektin tətbiqi ilə bağlı birgə layihələr həyata keçirəcək
Coursera tərəfindən Parisdə təşkil olunan “Təhsildə Süni İntellektin tətbiqi” mövzusunda beynəlxalq tədbirdə UNEC-in süni intellekt texnologiyalarının tədris prosesinə inteqrasiyası ilə bağlı təqdim etdiyi təkliflər yüksək qiymətləndirilib.
Əməkdaşlığın davamı olaraq Coursera-nın Avropa və Mərkəzi Asiya üzrə Əməkdaşlıq üzrə Baş Direktoru L.Wheatcroft, Müştəri uğuru üzrə Baş meneceri V.İqnatyeva və Avropa, Yaxın Şərq və Afrika üzrə Korporativ Bölmənin İcraçı Direktoru N.Foucaud UNEC-ə səfər ediblər.
UNEC rektoru professor Ədalət Muradovun iştirakı ilə keçirilən görüşdə tərəflər süni intellekt əsaslı tədris mexanizmlərinin tətbiqi istiqamətində konkret addımları müzakirə ediblər. Müzakirələr zamanı mikro-kreditlər platformasının UNEC-də tətbiqi, eləcə də UNEC-də mövcud olan Qeyri-akademik transkript və Çevrilmiş Təhsil (Flipped Education) modelinə Coursera imkanlarının inteqrasiyası, həmçinin Virtual laboratoriyaların yaradılması üzrə birgə əməkdaşlıq məsələləri nəzərdən keçirilib.
UNEC və Coursera təhsildə süni intellektin tətbiqi ilə bağlı birgə layihələr həyata keçirəcək